കൂറ്റന്‍ മലയുടെ ഒരുഭാഗം ഇടിഞ്ഞുവീണതിനെ തുടര്‍ന്ന് ഉത്തരാഖണ്ഡില്‍ ദേശീയപാത 58 അടച്ചു. ഋഷികേശ്-ശ്രീനഗര്‍ ഹൈവേയില്‍ തോട്ട ഘട്ടിലാണ് അപകടം നടന്നത്. മലയുടെ വലിയ ഭാഗം റോഡിലേക്ക് അടര്‍ന്നുവിഴുകയായിരുന്നു.
ഈ സമയം വാഹനങ്ങള്‍ തടഞ്ഞ് നിര്‍ത്തിയത് വലിയ അപകടം ഒഴിവാക്കി. മലയിടിഞ്ഞു വീഴുന്നതിന്റെ ദൃശ്യങ്ങള്‍ വാര്‍ത്താ ഏജന്‍സിയായ എഎന്‍ഐ പുറത്തുവിട്ടു. മലയിടിഞ്ഞു വീഴുന്നതിന്റെ തൊട്ടടുത്തായി ആളുകള്‍ കൂടിനില്‍ക്കുന്നതും വാഹനങ്ങള്‍ നിര്‍ത്തിയിട്ടിരിക്കുന്നതും കാണാം.
ഉത്തരാഖണ്ഡില്‍ കഴിഞ്ഞ ദിവസങ്ങളായി മഴ ശക്തമായി തുടരുകയാണ്. പലയിടത്തും ഉരുള്‍പൊട്ടല്‍ റിപ്പോര്‍ട്ട് ചെയ്തിട്ടുണ്ട്. വരും ദിവസങ്ങളില്‍ മഴ ശക്തമാകുമെന്നാണ് മുന്നറിയിപ്പ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ