മുംബൈ: ഒറ്റനിമിഷം കൊണ്ടാണ് ആഘോഷത്തിന്റെ അന്തരീക്ഷം ഇരുണ്ടതായി മാറിയത്. റിവാന്റെ ആദ്യജന്മദിനം കൊണ്ടാടാനായി എത്തിയവരായിരുന്നു അവിടെയുണ്ടായിരുന്നവരെല്ലാം. അതിനിടെയൊണ് ഫ്‌ലാറ്റിന്റെ 12ാം നിലയില്‍ നിന്ന് കുഞ്ഞ് വീണ് മരിച്ചത്.
ഗ്രേറ്റര്‍ നോയിഡയിലെ ബിസ്രാഖ് പൊലീസ് സ്റ്റേഷന്‍ പരിധിയിലിയുള്ള കാസ ഗ്രീന്‍സ് ഹൗസിങ് കോളനിയിലായിരുന്നു സംഭവം. മകന്റെ ജന്മദിനാഘോഷത്തിന്റെ ഭാഗമായി സത്യേന്ദ്ര കസാനയും കുടുംബാംഗങ്ങളും വീട് അലങ്കിരിക്കുകയായിരുന്നു. ഈ സമയത്ത് ചില സുഹൃത്തുക്കളും വീട്ടിലെത്തിയിരുന്നു.
ആ സമയത്ത് അവരുടെ 12ാം നിലയിലുള്ള ഫ്‌ലാറ്റിന്റെ വാതിലിന് മുന്നില്‍ നിന്ന് റിവാന്‍ കളിക്കുന്നതിനിടെ കോണിപ്പടിയിലൂടെ താഴോട്ട് വീഴുകയായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ