ലക്‌നൗ: ഉത്തര്‍പ്രദേശില്‍ ജീവന്‍ പണയം വെച്ചും മൊബൈല്‍ കവര്‍ച്ചക്കാരനെ പിടികൂടി 26കാരി. മൊബൈല്‍ കവര്‍ന്ന ശേഷം മോഷ്ടാവ് ട്രക്കിന് മുന്നിലേക്ക് തള്ളിയിട്ടു. നിമിഷ നേരം കൊണ്ട് ട്രക്കിന് മുന്നില്‍ നിന്ന് എടുത്തുചാടിയത് കൊണ്ട് ജീവന്‍ രക്ഷപ്പെട്ടു. എന്നിട്ടും പിന്മാറാന്‍ തയ്യാറായില്ല. മോഷ്ടാവിനെ പിന്തുടര്‍ന്ന് പിടികൂടിയാണ് 26കാരി വാര്‍ത്തകളില്‍ നിറഞ്ഞത്.
യുപി ബുലന്ദ്ഷഹറില്‍ ശനിയാഴ്ചയാണ് സംഭവം. വഴിയാത്രക്കാരുടെ സഹായത്തോടെയാണ് പ്രതിയെ പിടികൂടിയത്. വീട്ടിലേക്ക് മടങ്ങുന്നതിനിടെയാണ് സംഭവമെന്ന് 26കാരി പറയുന്നു.റോഡിലൂടെ നടന്നുപോകുന്നതിനിടെ പിന്നിലൂടെയായിരുന്നു ആക്രമണം. മൊബൈല്‍ ഫോണ്‍ കവര്‍ന്ന മോഷ്ടാവ്, തന്നെ റോഡിലേക്ക് തള്ളിയിട്ടു. ട്രക്കിന്റെ മുന്നിലേക്കാണ് വീണത്. നിമിഷ നേരം കൊണ്ട് എടുത്തുചാടിയത് കൊണ്ട് ജീവന്‍ തിരിച്ചുകിട്ടിയെന്ന് മീന പറയുന്നു. കോളജിലാണ് മീന ജോലി ചെയ്യുന്നത്.
എന്നാല്‍ പിന്മാറാന്‍ മീന കൂട്ടാക്കിയില്ല. പിന്തുടര്‍ന്ന് ചെന്ന് മോഷ്ടാവിനെ ഇടിച്ചുവീഴ്ത്തി. തുടര്‍ന്ന് വഴിയാത്രക്കാരുടെ സഹായത്തോടെ പൊലീസിന് കൈമാറി. റോഡിലൂടെ വലിച്ചിഴച്ചാണ് യുവാവിനെ പൊലീസിന് കൈമാറിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ