ന്യൂഡല്‍ഹി: 2022ലെ പഞ്ചാബ് നിയമസഭാ തെരഞ്ഞെടുപ്പില്‍ കോണ്‍ഗ്രസിനായി പ്രശാന്ത് കിഷോര്‍ തന്ത്രങ്ങള്‍ മെനയും. കിഷോറിനെ മുഖ്യഉപദേശകനായി നിയമിച്ചതായി മുഖ്യമന്ത്രി അമരീന്ദര്‍ സിങ് അറിയിച്ചു. കാബിനറ്റ് പദവിയോടെയാണ് പ്രശാന്ത് കിഷോറിന്റെ നിയമനം.

'എന്റെ മുഖ്യ ഉപദേഷ്ടാവായി പ്രശാന്ത് കിഷോര്‍ തന്നോടൊപ്പം ചേര്‍ന്നുവെന്നതില്‍ സന്തോഷമുണ്ടെന്നും, പഞ്ചാബിലെ ജനങ്ങളുടെ നന്മയ്ക്കായി ഒരുമിച്ച് പ്രവര്‍ത്തിക്കാന്‍ ആഗ്രഹിക്കുന്നതായും അമരീന്ദര്‍ ട്വീറ്ററില്‍ കുറിച്ചു. 

അടുത്തവര്‍ഷം നിയമസഭാ തെരഞ്ഞെടുപ്പ് ആയിതനാല്‍ വികസനമെന്നത് ഏറെ പ്രധാനമാണ്. 2017ലെ കോണ്‍ഗ്രസിന്റെ തെരഞ്ഞെടുപ്പ് പ്രചാരണത്തിന് ചുക്കാന്‍ പിടിച്ചതും പ്രശാന്ത് കിഷോറായിരുന്നു. അന്ന് 117 സീറ്റില്‍ 77 ഇടത്ത് ജയിച്ച് കോണ്‍ഗ്രസ് അധികാരത്തില്‍ എത്തിയിരുന്നു. 

പശ്ചിമബംഗാളില്‍ മമതാ ബാനര്‍ജിയുടെ തെരഞ്ഞെടുപ്പ് പ്രചാരണത്തിന് തന്ത്രങ്ങള്‍ മെനയുന്നത്. 2014ല്‍ പ്രധാനമന്ത്രി നരേന്ദ്ര മോദിയുടെ വിജയത്തോടെയാണ് തിരഞ്ഞെടുപ്പ് തന്ത്രജ്ഞന്‍ എന്ന നിലയില്‍ ദേശീയ രാഷ്ട്രീയത്തിന് പ്രശാന്ത് പരിചിതനായത്.