അഹമ്മദാബാദ്: എട്ടുവയസുകാരിയെ പുലി കടിച്ചകൊന്നു. ഗുജറാത്തിലെ അമ്രേലി ജില്ലയില്‍. പുലര്‍ച്ചെ ഒരു മണിയോടെയാണ് സംഭവം.
കൃഷിയിടത്തിന് സമീപത്തെ വീട്ടിന്റെ ടെറസില്‍ മാതാപിതാക്കള്‍ക്കൊപ്പം കിടന്നുറങ്ങുകയായിരുന്ന കുട്ടിയെ പുലി കടിച്ചുകൊല്ലുകയായിരുന്നു. പായല്‍ ദേവക എന്ന കുട്ടിയാണ് മരിച്ചത്.
കുട്ടിയെ കഴുത്തിന്‌ പിടിച്ച ശേഷം വലിച്ചിഴച്ചു കൊണ്ടുപോകുയായിരുന്നു. കുട്ടിയുടെ മൃതദേഹം 80 മറ്റര്‍ അകലെനിന്ന് കണ്ടെടുത്തു. പുലിയെ പിടികൂടാനായി കൂട് സ്ഥാപിച്ചതായി വനം വകുപ്പ് ഉദ്യോഗസ്ഥര്‍ അറിയിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ