ലക്നൗ: ഉത്തര്പ്രദേശില് 11കാരിയെ ലൈംഗികാതിക്രമത്തിന് ഇരയാക്കിയ 60കാരനെ പൊതുസ്ഥലത്ത് വച്ച് ഗ്രാമവാസികള് ഷൂ കൊണ്ട് തുടര്ച്ചയായി അടിച്ചു. ചെയ്ത കുറ്റത്തിന് ശിക്ഷയായി 60കാരനെ ഗ്രാമത്തില് നിന്ന് പുറത്താക്കാനും പഞ്ചായത്ത് തീരുമാനിച്ചു.
മീററ്റിന് സമീപമുള്ള ചന്ദന ഗ്രാമത്തില് തിങ്കളാഴ്ചയാണ് സംഭവം. രാവിലെ മാതാപിതാക്കള് ജോലിക്ക് പോയ സമയത്ത് വീട്ടില് അതിക്രമിച്ച് കയറി 11കാരിക്ക് നേരെ 60കാരന് ലൈംഗികാതിക്രമം നടത്തി എന്നതാണ് പരാതി. ഗ്രാമവാസികള് 60കാരനെ കയ്യോടെ പിടികൂടുകയായിരുന്നു. ഇരു ജാതിയില്പ്പെട്ടവര് ആയതിനാല് തുടക്കത്തില് ഇത് ജാതിപോരിന് ഇടയാക്കി. സംഘര്ഷാവസ്ഥയെ തുടര്ന്ന് പൊലീസ് സ്ഥലത്തെത്തി.
തുടര്ന്ന് ചേര്ന്ന പഞ്ചായത്താണ് 60കാരന് ശിക്ഷ വിധിച്ചത്. പൊതു സ്ഥലത്ത് വച്ച് 60 കാരനെ ഷൂ കൊണ്ട് തല്ലാന് പഞ്ചായത്ത് ഉത്തരവിട്ടു. ഇതിന് പുറമേ ഗ്രാമത്തില് നിന്ന് 60കാരനെ പുറത്താക്കാനും പഞ്ചായത്ത് തീരുമാനിച്ചു. ഉത്തരവ് കേട്ടയുടന് കുട്ടിയുടെ കുടുംബക്കാര് ഉള്പ്പെടെയുള്ളവര് ഷൂവും മറ്റും കൊണ്ട് 60കാരനെ തുടര്ച്ചയായി തല്ലിയതായാണ് റിപ്പോര്ട്ടുകള്. തുടര്ന്ന് പ്രതിയെ പൊലീസ് അറസ്റ്റ് ചെയ്തു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ