ചെന്നൈ: കാമുകിയുമായി നാട്ടുക്കൂട്ടം വിവാഹം ഉറപ്പിച്ചതില്‍ പ്രതിഷേധിച്ച് യുവാവ് ജീവനൊടുക്കി. തമിഴ്‌നാട്ടിലെ പുതുക്കോട്ട ജില്ലയിലാണ് സംഭവം. വിരാളിമലയ്ക്കടുത്ത് കീഴ്‌പൊരുവായ് ഗ്രാമത്തില്‍ താമസിക്കുന്ന രാമരാജ് ആണ് (19) മരിച്ചത്.
ഇതേ ഗ്രാമത്തിലെ സമപ്രായക്കാരിയുമായി രാമരാജ് പ്രണയത്തിലായിരുന്നു. ഇതിനിടെ ഗര്‍ഭിണിയായ യുവതി കഴിഞ്ഞയാഴ്ച കുഞ്ഞിന് ജന്മം നല്‍കി. എന്നാല്‍ കുഞ്ഞ് തന്റേതല്ലെന്നും കാമുകിയുടെ ഗര്‍ഭത്തില്‍ തനിക്ക് ബന്ധമില്ലെന്നും രാമരാജ് പറഞ്ഞു. ഈ കല്യാണം വേണ്ടെന്നും രാജരാജ് പറഞ്ഞു.
ഇതേത്തുടര്‍ന്ന് വീട്ടുകാര്‍ ഇടപെട്ട് നാട്ടുകൂട്ടത്തെ സമീപിച്ച് ഇരുവരുടെയും വിവാഹം ഉറപ്പിച്ചു. വിവാഹത്തിനുള്ള ഏര്‍പ്പാടുകളുമായി വീട്ടുകാര്‍ മുന്നോട്ടുപോയി. ഇതിന് പിന്നാലെ കഴിഞ്ഞദിവസം രാമരാജ് വീട്ടില്‍ തൂങ്ങിമരിക്കുകയായിരുന്നു. സംഭവത്തില്‍ പൊലീസ് അന്വേഷണം ആരംഭിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ