ഡ്രൈവറുടെ സഹായമില്ലാതെ വാഹനം ഓടിക്കാന്‍ കഴിയുന്ന സാങ്കേതികവിദ്യ എന്ന ആശയം മുന്നോട്ടുവെച്ച പ്രമുഖ ടെക്‌നോളജി കമ്പനിയായ ടെസ്ലയുടെ സിഇഒ ഇലോണ്‍ മസ്‌കിന്റെ വാക്കുകള്‍ വലിയ വാര്‍ത്തയായിരുന്നു. ഇദ്ദേഹത്തിന്റെ ഈ ലക്ഷ്യത്തിന് വെല്ലുവിളി സൃഷ്ടിച്ചിരിക്കുന്നു എന്ന തോന്നല്‍ ഉണ്ടാക്കുന്ന വിധമുള്ള ഒരു വീഡിയോയാണ് ഇപ്പോള്‍ സോഷ്യല്‍മീഡിയയില്‍ വൈറലാകുന്നത്.
പ്രമുഖ വ്യവസായിയായ ആനന്ദ് മഹീന്ദ്ര റീട്വീറ്റ് ചെയ്ത വീഡിയോയാണ് ഇപ്പോള്‍ വ്യാപകമായി പ്രചരിക്കുന്നത്. പിന്‍സീറ്റിലിരുന്ന ബൈക്ക് ഓടിക്കുന്ന യുവാവിന്റെ ദൃശ്യങ്ങളാണ് വിസ്മയിപ്പിക്കുന്നത്. ഡ്രൈവര്‍ലെസ് വെഹിക്കിള്‍ എന്ന ഇലോണ്‍ മസ്‌കിന്റെ ആശയത്തിന് ഇന്ത്യയില്‍ നിന്ന് ഒരു വെല്ലുവിളി എന്ന പരിഹാസത്തോടെ ഡോ. അജയിത പങ്കുവെച്ച വീഡിയോയാണ് ആനന്ദ് മഹീന്ദ്ര വീണ്ടും ഷെയര്‍ ചെയ്തത്.
ബൈക്കിന്റെ പിന്‍സീറ്റിലിരുന്ന് ബൈക്ക് അനായാസമായി ഓടിക്കുന്നതാണ് ദൃശ്യങ്ങളുടെ ഉള്ളടക്കം. ബൈക്ക് അതിവേഗത്തില്‍ മുന്നോട്ടുപോകുന്നതും ദൃശ്യങ്ങളില്‍ വ്യക്തമാണ്. ഇത് മാജിക്കാണോ എന്ന തരത്തില്‍ നിരവധി ചോദ്യങ്ങളാണ് ഉയരുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ