ലക്‌നൗ: തോക്ക് കൈയില്‍ വച്ചുള്ള വൈറല്‍ വിഡിയോയുടെ പേരില്‍ സസ്‌പെന്‍ഷനിലായ യുപി വനിതാ കോണ്‍സ്റ്റബിള്‍ പ്രിയങ്ക മിശ്ര രാജിവച്ചു. ഏതാനും ദിവസം മുമ്പാണ് പ്രിയങ്ക മിശ്രയെ അന്വേഷണ വിധേയമായി സസ്‌പെന്‍ഡ് ചെയ്തത്.
പൊലീസ് യൂണിഫോമില്‍ പ്രിയങ്ക ഇന്‍സ്റ്റഗ്രാമില്‍ പോസ്റ്റ് ചെയ്ത വിഡിയോയാണ് വൈറല്‍ ആയത്. റിവോള്‍വര്‍ കൈയില്‍ വച്ചായിരുന്നു വിഡിയോ. ഇതിനു പിന്നാലെ വിവാദവും ഉയര്‍ന്നു. ഗുണ്ടകളുടേതു പോലെയാണ് വിഡിയോ എന്നായിരുന്നു പ്രധാന വിമര്‍ശനം.
വിഡിയോ വൈറല്‍ ആവുകയും അതിനൊപ്പം വിമര്‍ശനം ഉയരുകയും ചെയ്തതിനു പിന്നാലെ സര്‍ക്കാര്‍ അച്ചടക്ക നടപടിയിലേക്കു കടന്നു. അന്വേഷണ റിപ്പോര്‍്ട്ട് വരും മുമ്പാണ് പ്രിയങ്ക രാജിക്കത്തു നല്‍കിയത്. വൈറല്‍ ആയ വിഡിയോ അവര്‍ നേരത്തെ ഡിലീറ്റ് ചെയ്തിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ