ന്യൂഡല്‍ഹി: സിപിഐ 24മത് പാര്‍ട്ടി കോണ്‍ഗ്രസ് വിജയവാഡയില്‍ നടത്തുന്നതിന് ദേശീയ എക്‌സിക്യൂട്ടീവ് യോഗം തീരുമാനിച്ചു. അടുത്തവര്‍ഷം നടക്കുന്ന പാര്‍ട്ടി കോണ്‍ഗ്രസിന്റെ തീയതിയും മറ്റു കാര്യങ്ങളും ഒക്ടോബറില്‍ ചേരുന്ന ദേശീയ കൗണ്‍സില്‍ യോഗം തീരുമാനിക്കും. പാര്‍ട്ടി കോണ്‍ഗ്രസ് ചേരുന്നതിന് മുന്നോടിയായി ബ്രാഞ്ച് തലം മുതലുള്ള സമ്മേളനങ്ങള്‍ ആരംഭിക്കുന്നതിനും ദേശീയ എക്‌സിക്യൂട്ടീവ് യോഗം തീരുമാനിച്ചു.
സിപിഎം പാര്‍ട്ടി കോണ്‍ഗ്രസ് കണ്ണൂരിലാണ്. ഏപ്രില്‍ ആദ്യ വാരത്തില്‍ നടത്താനാണ് ഉദ്ദേശിക്കുന്നത്. സംസ്ഥാന സമ്മേളനം എറണാകുളത്തും നടത്തും. തീയതി തീരുമാനിച്ചിട്ടില്ല. ബ്രാഞ്ച് സമ്മേളനങ്ങള്‍ സെപ്റ്റംബര്‍ 15മുതല്‍ ആരംഭിക്കാന്‍ പാര്‍ട്ടി തീരുമാനിച്ചിട്ടുണ്ട്. ഡിസംബര്‍ പത്തുമുതല്‍ ജില്ലാ സമ്മേളനങ്ങള്‍ ആരംഭിക്കും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ