ലഖ്‌നൗ: ഉത്തര്‍പ്രദേശിലെ സമൂഹമാധ്യമങ്ങളില്‍ നിറഞ്ഞുനില്‍ക്കുന്നത് വന്‍ തീവണ്ടി അപകടം ഒഴിവാക്കിയ ഒരു സ്ത്രീയുടെ ചിത്രങ്ങളാണ്. വയലിലേക്ക് പോകുകയായിരുന്ന യുവതി തന്റെ മനസ്സാന്നിധ്യം കൊണ്ട് നൂറ് കണക്കിനാളുകളുടെ ജീവനാണ് രക്ഷിച്ചത്.
യുവതി മുറിച്ചുകടക്കുന്നതിനിടെയാണ് പാളത്തിനിടയില്‍ വലിയ വിള്ളല്‍ കണ്ടത്. എന്നാല്‍ ട്രെയിന്‍ എത്താന്‍ സമയം ആകുകയും ചെയ്തു. അതിനിടെ യുവതി തന്റെ സാരി രണ്ട് വടിക്കമ്പില്‍ പാളത്തിന് കുറുകെ കെട്ടിയതോടെ ലോക്കോ പൈലറ്റ് ട്രെയിന്‍ നിര്‍ത്തുകയായിരുന്നു.
യുപി പൊലീസ് സച്ചിന്‍ കൗശിക്കും യുവതിയുടെ ചിത്രം ട്വിറ്ററില്‍ പങ്കിട്ടു. യുവതി പരിഭ്രാന്തി കാട്ടാതെ മനോധൈര്യത്തോടെയാണ് ഇടപെട്ടതെന്ന് അദ്ദേഹം ട്വിറ്ററില്‍ കുറിച്ചു. അരമണിക്കൂറിലേറെ സമയമെടുത്താണ് പാളം നേരെയാക്കിയത്. തുടര്‍ന്ന് സര്‍വീസുകള്‍ പുനരാരംഭിച്ചതായി അധികൃതര്‍ പറഞ്ഞു. ഇതിനകം ആയിരക്കണക്കിനാളുകളാണ് ചിത്രങ്ങള്‍ സമൂഹമാധ്യമങ്ങളില്‍ പങ്കുവച്ചത്.
ഈ വാര്‍ത്ത വായിക്കാം
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ