പട്‌ന: ബിഹാറില്‍ യുവാവ് വിവാഹ വാഗ്ദാനം നല്‍കി മൂന്ന് വര്‍ഷത്തോളം പീഡിപ്പിച്ചതായി 24കാരിയുടെ പരാതി. യുവാവ് വിവാഹിതനാണ് എന്ന് തിരിച്ചറിഞ്ഞതോടെയാണ് യുവതി പൊലീസില്‍ പരാതി നല്‍കിയത്.
ജാമുയിലാണ് സംഭവം. സോനു രാജിനെതിരെയാണ് 24കാരി പരാതി നല്‍കിയത്. വിവാഹം കഴിച്ച വിവരം മറച്ചുവെച്ചാണ് യുവാവ് താനുമായി അടുത്തതെന്ന് 24കാരിയുടെ പരാതിയില്‍ പറയുന്നു. താന്‍ ബാച്ചിലര്‍ ആണെന്നും വിവാഹം ചെയ്യാമെന്നും പറഞ്ഞ് വിശ്വസിപ്പിച്ച് യുവാവ് മൂന്ന് വര്‍ഷത്തോളം പീഡിപ്പിച്ചതായി യുവതിയുടെ പരാതിയില്‍ പറയുന്നു.
മകളുടെ കല്യാണ കാര്യം പറയുമ്പോഴെല്ലാം യുവതിയെ തട്ടിക്കൊണ്ടുപോകുമെന്ന് സോനു രാജ് ഭീഷണി മുഴക്കിയിരുന്നതായി അച്ഛന്‍ പറയുന്നു.യുവതിയുടെ മൊഴി എടുത്തതായും പരാതിയുടെ അടിസ്ഥാനത്തില്‍ നടപടി സ്വീകരിക്കുമെന്നും പൊലീസ് അറിയിച്ചു.
ഈ വാര്‍ത്ത കൂടി വായിക്കാം
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്.
ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ