ലക്‌നൗ: ഉത്തര്‍പ്രദേശില്‍ വേഷം മാറിയെത്തിയ 25കാരനെ പൊലീസ് അറസ്റ്റ് ചെയ്തു. കാമുകിയെ കാണാന്‍ ബുര്‍ഖ ധരിച്ചെത്തിയ യുവാവിനെ നാട്ടുകാര്‍ കയ്യോടെ പിടികൂടി പൊലീസിനെ ഏല്‍പ്പിക്കുകയായിരുന്നു. സംശയം തോന്നിയ പ്രദേശവാസികള്‍ ബുര്‍ഖ മാറ്റാന്‍ ആവശ്യപ്പെട്ടേതോടെയാണ് കള്ളി വെളിച്ചത്തായത്.
ഷാജഹാന്‍പുര്‍ മെഹ്മദ്പുര്‍ ഗ്രാമത്തിലാണ് സംഭവം. ബുര്‍ഖ ധരിച്ചെത്തിയ സെയ്ഫ് അലിയെയാണ് പൊലീസ് അറസ്റ്റ് ചെയ്തത്. സമാധാനന്തരീക്ഷത്തിന് ഭംഗം വരുത്തി എന്ന കുറ്റം ചുമത്തിയാണ് അറസ്റ്റ് എന്ന് പൊലീസ് പറയുന്നു.
സെയ്ഫ് അലിക്ക് വീട്ടില്‍ നിന്ന് അകലെ ജോലി കിട്ടി. അവിടെയ്ക്ക് പോകുന്നതിന് മുന്‍പ് കാമുകിയെ കാണാന്‍ ശ്രമിക്കുന്നതിനിടെയാണ് പിടിയിലായത്. ഐഡന്റിന്റി മറയ്ക്കുന്നതിന് വേണ്ടിയാണ് യുവാവ് ബുര്‍ഖ ധരിച്ചത്. യുവാവിന്റെ വേഷവിധാനത്തില്‍ സംശയം തോന്നിയ നാട്ടുകാര്‍,ബുര്‍ഖ മാറ്റാന്‍ ആവശ്യപ്പെട്ടു. തുടര്‍ന്ന് യുവാവിനെ നാട്ടുകാര്‍ പൊലീസിനെ ഏല്‍പ്പിക്കുകയായിരുന്നു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ