ന്യൂഡല്‍ഹി: ഇന്ത്യാ ഗേറ്റില്‍ നേതാജി സുഭാഷ് ചന്ദ്ര ബോസിന്റെ പ്രതിമ സ്ഥാപിക്കുമെന്ന് പ്രധാനമന്ത്രി നരേന്ദ്ര മോദി. നേതാജിയോട് രാഷ്ട്രത്തിനുള്ള കടപ്പാടിന്റെ പ്രതീകയാണ് പ്രതിമാ സ്ഥാപനമെന്ന് പ്രധാനമന്ത്രി പറഞ്ഞു.
നേതാജി സുഭാഷ് ചന്ദ്ര ബോസിന്റെ 125-ാം ജയന്തി ആഘോഷിക്കുന്ന വേളയിലാണ് പ്രധാനമന്ത്രിയുടെ പ്രഖ്യാപനം. ഗ്രാനൈറ്റില്‍ നിര്‍മിക്കുന്ന പ്രതിമയാവും ഇന്ത്യാ ഗേറ്റില്‍ സ്ഥാപിക്കുക.
ഗ്രാനൈറ്റ് പ്രതിമ പൂര്‍ത്തിയാവുന്നതുവരെ ഹോളോഗ്രാം പ്രതിമ ഇന്ത്യാ ഗേറ്റില്‍ സ്ഥാപിക്കും. നേതാജിയുടെ ജന്മവാര്‍ഷിക ദിനമായ ജനുവരി 23ന് ഇത് അനാച്ഛാദനം ചെയ്യുമെന്ന് പ്രധാനമന്ത്രി അറിയിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ