കേരളം ഉള്‍പ്പെടെ ദക്ഷിണേന്ത്യന്‍ സംസ്ഥാനങ്ങളില്‍ തെക്കുപടിഞ്ഞാറന്‍ മണ്‍സൂണ്‍ ആരംഭിച്ചെങ്കിലും ഉത്തരേന്ത്യ ഇപ്പോഴും ചുട്ടുപൊള്ളുകയാണ്. ചൂടിനെ ചെറുക്കാന്‍ ജനങ്ങള്‍ പലവഴികളാണ് തേടുന്നത്. ഇപ്പോള്‍ സ്‌കൂട്ടറിന്റെ സീറ്റില്‍ ദോശ ചുടുന്ന ദൃശ്യങ്ങളാണ് വൈറലാകുന്നത്.
വ്യവസായി ഹര്‍ഷ് ഗോയങ്കയാണ് വീഡിയോ ട്വിറ്ററില്‍ പങ്കുവെച്ചത്. ചൂടിന്റെ കാഠിന്യം വ്യക്തമാക്കുന്നതാണ് വീഡിയോ. സ്‌കൂട്ടറിന്റെ സീറ്റില്‍ ദോശമാവ് ഒഴിക്കുന്ന താമസം തന്നെ ദോശ ചൂടാവുന്നത് വീഡിയോയില്‍ വ്യക്തമാണ്. തുടര്‍ന്ന് ദോശ മറിച്ചിടുന്നതും വീഡിയോയില്‍ കാണാം.
മിനിറ്റുകള്‍ക്കകം 30000ല്‍പ്പരം ആളുകളാണ് വീഡിയോ കണ്ടത്. വെസ്പ സ്‌കൂട്ടറിലാണ് ദോശ ചുടുന്നത്.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ