ബംഗളൂരു: തെരുവുനായക്ക് നേരെ ആസിഡ് ഒഴിച്ച സംഭവത്തില്‍ അഞ്ച് പേര്‍ക്കെതിരെ കേസ് എടുത്തതായി കര്‍ണാടക പൊലീസ്. നായയുടെ മേല്‍ ആസിഡ് ഒഴിച്ചത് ചോദ്യം ചെയ്ത സ്ത്രീയെയും ഇവര്‍ ഭീഷണിപ്പെടത്തിയിരുന്നു.
മാര്‍ച്ച് നാലിന് ബനശങ്കരിയിലെ അംബേദ്കര്‍ നഗറില്‍ വച്ചായിരുന്നു പ്രതികള്‍ ഒരു കാരണവുമില്ലാതെ തെരുവുനായയെ കെട്ടിയിട്ട ശേഷം ആസിഡും പെട്രോളും ഒഴിച്ചത്. പ്രതികള്‍ മദ്യപിച്ചിരുന്നതായും പൊലീസ് പറഞ്ഞു. ഇത് ചോദ്യം സ്ത്രീയെ ഇവര്‍ ഭീഷണിപ്പെടുത്തിയതായും പൊലീസ് പറഞ്ഞു.
സാമൂഹ്യപ്രവര്‍ത്തകന്റെ സഹായത്തോടെ അന്‍പതുകാരിയാണ് പൊലീസില്‍ പരാതി നല്‍കിയത്. പരിക്കേറ്റ അഞ്ച് വയസുള്ള നായയെ മൃഗസംരക്ഷണകേന്ദ്രത്തിലേക്ക് മാറ്റി. പ്രതികള്‍ക്കെതിരെ വിവിധ വകുപ്പുകള്‍ പ്രകാരമാണ് കേസ് എടുത്തിരിക്കുന്നത്. സംഭവത്തില്‍ അന്വേഷണം പുരോഗമിക്കുകയാണെന്ന് പൊലീസ് പറഞ്ഞു
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ