മുംബൈ: മഹാരാഷ്ട്രയില്‍ കിണറ്റില്‍ വീണ കൂറ്റന്‍ മൂര്‍ഖന്‍ പാമ്പിനെ രക്ഷിച്ചു. ഉപേക്ഷിക്കപ്പെട്ട നിലയില്‍ കിടന്നിരുന്ന കിണറിലാണ് മൂര്‍ഖന്‍ പാമ്പ് അകപ്പെട്ടത്.
നാസിക്കിലാണ് സംഭവം. മൂര്‍ഖന്‍ പാമ്പിനെ സന്നദ്ധ സംഘടനയിലെ പ്രവര്‍ത്തകരാണ് രക്ഷിച്ചത്. കയറില്‍ കെട്ടിയിരിക്കുന്ന കൊളുത്ത് ഉപയോഗിച്ചാണ് പാമ്പിനെ പുറത്ത് എത്തിച്ചത്. കിണറിന് വെളിയില്‍ എത്തിയ പാമ്പിനെ പിന്നീട് ബാഗിലാക്കി.
ബാഗില്‍ കയറാന്‍ തയ്യാറാവാതിരുന്ന പാമ്പിനെ വളരെ ക്ഷമയോട് കൂടി അകത്തേയ്ക്ക് കയറ്റുന്ന ദൃശ്യങ്ങള്‍ വ്യാപകമായാണ് പ്രചരിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ