ന്യൂഡല്‍ഹി: ഹിന്ദി സീരിയല്‍ താരം വൈശാലി ടക്കര്‍ മരിച്ചനിലയില്‍. മധ്യപ്രദേശിലെ വീട്ടിലാണ് ഇവരെ മരിച്ചനിലയില്‍ കണ്ടെത്തിയത്. മുന്‍ കാമുകനെ കുറ്റപ്പെടുത്തുന്ന ആത്മഹത്യാക്കുറിപ്പ് കണ്ടെടുത്തതായി പൊലീസ് പറയുന്നു. 26 വയസ്സായിരുന്നു.
മധ്യപ്രദേശിലെ ഇന്‍ഡോറില്‍ ഞായറാഴ്ചയാണ് സംഭവം. സസുരാല്‍ സിമര്‍ കാ, യേ രിഷ്താ ക്യാ കെഹലാതാ ഹേ തുടങ്ങിയ പരമ്പരകളിലൂടെ ശ്രദ്ധേയയായ നടിയാണ് വൈശാലി. ഇന്‍ഡോറില്‍ പിതാവിനും സഹോദരനുമൊപ്പമാണ് വൈശാലി താമസിച്ചിരുന്നത്.
രാവിലെ മുറിയില്‍ നിന്ന് പുറത്തുവരാതിരുന്നതിനെ തുടര്‍ന്ന് അന്വേഷിച്ചെത്തിയ പിതാവാണ് തൂങ്ങിമരിച്ച നിലയില്‍ ഇവരെ കാണുന്നത്. ബിഗ് ബോസ് താരം നിഷാന്ത് മല്‍ക്കാനി നായകനായ രക്ഷാബന്ധന്‍ എന്ന പരമ്പരയിലാണ് അവസാനം അഭിനയിച്ചത്.
മുന്‍ കാമുകന്‍ തന്നെ ഉപദ്രവിച്ചിരുന്നതായി ആത്മഹത്യാക്കുറിപ്പില്‍ പറയുന്നതായി പൊലീസ് പറയുന്നു. സമ്മര്‍ദ്ദത്തിലായിരുന്നുവെന്നും കുറിപ്പില്‍ പറയുന്നു. സംഭവത്തില്‍ പൊലീസ് അന്വേഷണം ആരംഭിച്ചിട്ടുണ്ട്.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ