ലഖ്നൗ: ഉത്തർപ്രദേശിലെ ലഖ്നൗവിൽ ഓർ​ഗാനിക് റെസ്റ്ററന്റിന്റെ ഉദ്ഘാടനത്തിന് മുഖ്യാതിഥിയായി എത്തിയത് പശു. മുൻ‌ ഡെപ്യൂട്ടി എസ്പി ശൈലേന്ദ്രസിങ്ങിന്റെ ഉടമസ്ഥതയിലുള്ള ഓർ​ഗാനിക് ഒയാസിസ് എന്ന് പേരിട്ടിരിക്കുന്ന റെസ്റ്ററന്റിന്റെ ഉദ്ഘാടനത്തിനാണ്  പശു അതിഥിയായി എത്തിയത്.  ജൈവ കാർഷിക ഉത്പന്നങ്ങൾ കൊണ്ട് നിർമ്മിച്ച ഭക്ഷണമാണ് ഇവിടെ വിതരണം ചെയ്യുന്നതെന്നാണ് ഉടമസ്ഥരുടെ അവകാശവാദം.

പശുവിന്റെ അകമ്പടിയായി എത്തിയ ആളുകൾ റെസ്റ്ററിന്റെ ഉദ്​ഘാടനം നടത്തുന്നത് വീഡിയോയിൽ കാണാം. പശുവിനാണ് റെസ്റ്ററന്റിൽ നിന്ന് ആദ്യഭക്ഷണം വിതരണം ചെയ്യുന്നത്. മഞ്ഞ തുണി കൊണ്ട് അലങ്കരിച്ച വസ്ത്രങ്ങൾ പശുവിനെ അണിയിച്ചതും വീഡിയോയിൽ കാണാം. 

ലുലു മാളിന് സമീപത്തെ സുശാന്ത് ​ഗോൾഫ് സിറ്റിയിലാണ് ഓർ​ഗാനിക് റെസ്റ്ററന്റ്. ഇന്ത്യയുടെ സമ്പ​​​ദ് വ്യവസ്ഥയും കൃഷിയും പശുക്കളെ ആശ്രയിച്ചാണ് നിലനിൽക്കുന്നതെന്ന് മുൻ ഡെപ്യൂട്ടി എസ്പിയും റസ്റ്ററന്റ് മാനേജരുമായ ശൈലേന്ദ്ര സിങ് പറഞ്ഞു. അതിനാലാണ് ​ഗോമാതയെ മുഖ്യാതിഥിയായി തെരഞ്ഞെടുത്തതെന്ന് അദ്ദേഹം പറഞ്ഞു. ആളുകളുടെ ആരോ​ഗ്യത്തിനാണ് തങ്ങൾ പ്രഥമ പരി​ഗണന നൽകുന്നത്. ഇവിടുത്തെ ഭക്ഷണം കഴിച്ചാൽ അത് ജനങ്ങൾക്ക് മനസിലാകുമെന്നും അദ്ദേഹം പറഞ്ഞു. 

ഈ വാര്‍ത്ത കൂടി വായിക്കൂ കർണാടകയിൽ യുവമോർച്ച നേതാവിനെ കുത്തിക്കൊന്നു

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ