ജയ്പുർ: രാജസ്ഥാനിൽ അര മണിക്കൂറിനിടെ മൂന്ന് തവണയായി ഭൂചലനം അനുഭവപ്പെട്ടു. ഇന്ന് പുലർച്ചെയോടെയാണ് ഭൂചലനമുണ്ടായത്. റിക്ടർ സ്കെയിലിൽ 4.4 വരെ തീവ്രത രേഖപ്പെടുത്തി. ജയ്പുരിലാണ് ഭൂചലനം. പത്ത് കിലോമീറ്റർ വരെ കുലുക്കം അനുഭപ്പെട്ടു. 

നാശനഷ്ടങ്ങളൊന്നും റിപ്പോർട്ട് ചെയ്തിട്ടില്ല. ആളപയാവും ഇല്ല. അര മണിക്കൂറിനിടെയാണ് മൂന്ന് ഭൂചലനങ്ങളുമുണ്ടായതെന്നു നാഷണൽ സെന്റർ ഫോർ സീസ്മോളജി വ്യക്തമാക്കി. 

ഇന്ന് പുലർച്ചെ 4.09നാണ് ആദ്യ ഭൂചലനം. റിക്ടർ സ്കെയിലിൽ 4.4ആണ് തീവ്രത രേഖപ്പെടുത്തിയത്. മൂന്ന് മിനിറ്റിനുള്ളിൽ രണ്ടാമത്തെ ഭൂചലനവും അനുഭവപ്പെട്ടു. പിന്നീട് 4.22നും 4.25നും തുടർ ചലനങ്ങളുണ്ടായി. 3.1, 3.4 എന്നിങ്ങനെയായിരുന്നു തീവ്രത. 

ഈ വാര്‍ത്ത കൂടി വായിക്കൂ  

മണിപ്പൂരിലെ ന​ഗ്ന പരേഡ്, കൂട്ട ബലാത്സം​ഗം; രണ്ട് പേർ കൂടി പിടിയിൽ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ