മംഗളൂരുവില്‍ മൂന്ന് പെണ്‍കുട്ടികള്‍ക്ക് നേരെ ആസിഡ് ആക്രമണം; മലയാളി യുവാവ് അറസ്റ്റില്‍
മംഗലാപുരം: മംഗളൂരുവില്‍ മൂന്ന് പെണ്‍കുട്ടികള്‍ക്ക് നേരെ മലയാളി യുവാവിന്റെ ആസിഡ് ആക്രമണം. മംഗളുരുവിലെ കടബയില്‍ ആണ് സംഭവം. കടബ സര്‍ക്കാര്‍ കോളജിലെ മൂന്ന് വിദ്യാര്‍ത്ഥിനികള്‍ക്ക് നേരെയാണ് ആക്രമണം ഉണ്ടായത്. സംഭവത്തില്‍ മലപ്പുറം നിലമ്പൂര്‍ സ്വദേശിയായ അഭീന്‍ എന്ന യുവാവിനെ പൊലീസ് അറസ്റ്റ് ചെയ്തു.
കേരളത്തില്‍ എംബിഎ വിദ്യാര്‍ത്ഥിയായ ഇയാള്‍ എവിടെയാണ് പഠിക്കുന്നതടക്കമുള്ള വിവരങ്ങള്‍ പുറത്തുവന്നിട്ടില്ല. ആക്രമണത്തില്‍ മൂന്ന് പെണ്‍കുട്ടികള്‍ക്കും സാരമായി പൊള്ളലേറ്റു. ഇവരെ വിദഗ്ധ ചികിത്സക്കായി മംഗളൂരുവിലേക്ക് മാറ്റി.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
ഇന്ന് രാവിലെ പരീക്ഷക്കായി കോളജില്‍ എത്തിയപ്പോഴാണ് പെണ്‍കുട്ടികള്‍ക്ക് നേരെ ആക്രമണം ഉണ്ടായത്. മൂവരും കോളജ് വരാന്തയില്‍ ഇരിക്കവെ ബൈക്കില്‍ വന്ന യുവാവ് ഒരു പെണ്‍കുട്ടിക്ക് നേരെ ആസിഡ് ഒഴിക്കുകയായിരുന്നു.
ഈ സമയം ഒപ്പം ഇരുന്ന മറ്റു രണ്ട് പേര്‍ക്ക് നേരെയും ആസിഡ് വീഴുകയായിരുന്നു. പ്രേമനൈരാശ്യം ആണ് യുവാവിന്റെ ആക്രമണത്തിന് പിന്നിലെന്ന് ഇയാള്‍ പൊലീസിനോട് പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ