ന്യൂഡെല്‍ഹി: ഫോണ്‍ വാങ്ങുന്നതിനൊപ്പം ഇന്റര്‍നെറ്റ് സൗജന്യമായി കിട്ടിയാലോ..? അതും ഒരു വര്‍ഷത്തേക്ക് 4 ജി ഡാറ്റ സേവനവും. മൈക്രോമാക്‌സാണ് എയര്‍ടെല്ലുമായി സഹകരിച്ച് പുതിയ ഓഫറുമായി രംഗത്ത് വന്നിരിക്കുന്നത്. 

മൈക്രോമാക്‌സിന്റെ കാന്‍വാസ് 2 എന്ന ഫോണ്‍ വാങ്ങുന്നവര്‍ക്കെല്ലാം ഈ ഓഫര്‍ ലഭിക്കും. 11999 രൂപയുള്ള ഈ ഫോണ്‍ ഒട്ടേറെ സവിശേഷതകള്‍ ഉള്‍ക്കൊള്ളിച്ചുകൊണ്ടാണ് പുറത്തിറക്കിയിരിക്കുന്നത്. 

അഞ്ച് ഇഞ്ച് ഡിസ്‌പ്ലേയുള്ള ഫോണിന് 1.3 ജിഗാഹെഡ്‌സിന്റെ ക്വാഡ്- കോര്‍ പ്രൊസസറാണ് ഇതിന്റെ കാന്‍വാസിന് ഉറപ്പേകുന്നത്. കൂടാതെ 3 ജിബി റാം, 16 ജിബി റോം എന്നിവയാണ് സ്‌റ്റോറേജ് സവിശേഷതകള്‍.