കൊച്ചി:ആഭ്യന്തര വിപണിയില്‍ ആവശ്യകത കുറഞ്ഞതോടെ സ്വര്‍ണവിലയിലുളള ഇടിവ് തുടരുന്നു. ഇന്ന് പവന് 200 രൂപ കുറഞ്ഞ് 23000 രൂപയായി സ്വര്‍ണവില. ഗ്രാമിനും വില കുറഞ്ഞു. 25 രൂപ കുറഞ്ഞ് 2875 രൂപയായി. ഇതോടെ സ്വര്‍ണവില ഈ മാസത്തെ ഏറ്റവും താഴ്ന്ന നിലയില്‍ എത്തിയിരിക്കുകയാണ്.

ഈ മാസത്തിന്റെ തുടക്കത്തില്‍ ഒരു പവന് 23720 രൂപയായിരുന്നു സ്വര്‍ണവില. നിലവില്‍ സ്വര്‍ണവിലയില്‍ 720 രൂപയുടെ കുറവാണ് രേഖപ്പെടുത്തിയിരിക്കുന്നത്. ആഭ്യന്തരവിപണിയില്‍ സ്വര്‍ണത്തിന്റെ ആവശ്യകത കുറഞ്ഞതാണ് വില ഇടിയാന്‍ കാരണമെന്ന് വിപണി വിദഗ്ധര്‍ പറയുന്നു. ഇതിന് പുറമേ രൂപയുടെ മൂല്യം ഉയരുന്നതും സ്വര്‍ണവിപണിയില്‍ പ്രതിഫലിക്കുന്നുണ്ട്.