തിരുവനന്തപുരം: റേഷന്‍ അരിയുടേയും ഗോതമ്പിന്റേയും വിലയില്‍ ഒരു രൂപയുടെ വര്‍ധനവുണ്ടാകും. റേഷന്‍ വ്യാപാരികളുടെ മിനിമം കമീഷന്‍ 16,000ല്‍ നിന്നും  18,000 ആയി ഉയര്‍ത്തി. ഇതോടെ റേഷന്‍ വ്യാപാരികള്‍ക്ക് നല്‍കുന്ന അധിക തുക അന്ത്യോദയ കാര്‍ഡ് ഉടമകള്‍ ഒഴികെയുള്ളവരില്‍ നിന്നും ഈടാക്കാനാണ് തീരുമാനം. 

അന്ത്യോദയ കാര്‍ഡ് ഉടമകള്‍ അല്ലാത്ത മറ്റ് വിഭാഗങ്ങള്‍ അരി, ഗോതമ്പ്, ആട്ട എന്നിവയുടെ കൈകാര്യ ചിലവായി രണ്ട് രൂപ നല്‍കണം. ഇതിലൂടെ മിച്ചം വരുന്ന 38.6 കോടി രൂപ വാതില്‍പ്പടി വിതരണത്തില്‍ സപ്ലൈകോയ്ക്ക്‌ ഉണ്ടാകുന്ന അധിക ചിലവ് ക്രമീകരിക്കുന്നത് നല്‍കാനും മന്ത്രിസഭാ തീരുമാനിച്ചു.