പുറത്തിറങ്ങാന്‍ മണിക്കൂറുകള്‍ ശേഷിക്കെ ആപ്പിളിന്റെ പുതിയ ഫോണിന്റെ ഫീച്ചറുകള്‍ ചോര്‍ന്നു. ബുധനാഴ്ച പുറത്തിറങ്ങുന്ന ഐഫോണ്‍ 10 സി മൂന്ന് നിറങ്ങളില്‍ പുറത്തിറങ്ങുമെന്നാണ് ലീക്കായ ചിത്രങ്ങളില്‍ നിന്നും വ്യക്തമാകുന്നത്. ചുവപ്പും നേവി ബ്ലൂവും വെള്ളയുമാണെന്ന് ചിത്രങ്ങളില്‍ കാണാം.  6.1 ഇഞ്ചാവും ടെക് ലോകം ആകാംക്ഷയോടെ കാത്തിരിക്കുന്ന പതിപ്പിന്റെ  എല്‍സിഡി ഡിസ്‌പ്ലേയെന്നും റിപ്പോര്‍ട്ടുകളുണ്ട്.

ഇരട്ട സിം ഉപയോഗിക്കാവുന്ന റോസ്‌ഗോള്ഡ് നിറത്തിലുള്ള ഐ ഫോണിന്റെ ചിത്രങ്ങള്‍ ചോര്‍ന്നതിന് പിന്നാലെയാണ് ഈ വിവരങ്ങളും പുറത്തായത്. 

ബുധനാഴ്ച കുപെചിനോയിലെ സ്റ്റീവ് ജോബ്‌സ് തിയേറ്ററില്‍ വച്ചാണ് ആപ്പിള്‍ 10 സി ഔദ്യോഗികമായി പുറത്തിറക്കുന്നത്. ഐഫോണ്‍ 10 സിയ്ക്ക് പുറമേ ഐഫോണ്‍ 10 എസും,  ഐഫോണ്‍ 10 എസ് മാക്‌സും പുറത്തിറക്കുന്നുണ്ട്. 1000 ഡോളറില്‍ താഴെ( ഏകദേശം 72,410 രൂപ)യാണ് പുതിയ പതിപ്പുകള്‍ക്ക് വില പ്രതീക്ഷിക്കുന്നത്. എക്‌സ് എസിന് 909 യൂറോ(76,000 രൂപ)യും, എക്‌സ് എസ് മാക്‌സിന് 1,149 യൂറോ(96,313 രൂപ)യുമാണ് വില പ്രതീക്ഷിക്കുന്നത്.