ധനകാര്യം

4ജിയിൽ ഏറ്റവും വേ​ഗത ജിയോയ്ക്ക്; ഇഴഞ്ഞുനീങ്ങി എയർടെല്ലും വോഡഫോണും, ഏറ്റവും പിന്നിൽ ഐഡിയ 

സമകാലിക മലയാളം ഡെസ്ക്

ന്ത്യയിൽ ഏറ്റവും വേ​ഗത കൂടിയ 4ജി സേവനം ലഭ്യമാക്കുന്ന ടെലികോം സേവനദാതാവായി വീണ്ടും റിലയൻസ് ജിയോ. ടെലികോം റഗുലേറ്ററി അതോറിട്ടി (ട്രായ്)യുടെ മാർച്ച് മാസത്തിലെ കണക്കുകൾ അനുസരിച്ചാണ് ജിയോ വീണ്ടും ഒന്നാമതെത്തിയത്. 22.2 എംബിപിഎസ് ശരാശരി വേ​ഗതയുമായാണ് ജിയോ മുന്നിലെത്തിയത്. കഴിഞ്ഞ വർഷവും 4ജി വേ​ഗതയിൽ ജിയോ തന്നെയായിരുന്നു ഒന്നാമത്. 

9.3 എംബിപിഎസാണ് എയർടെല്ലിന്റെ 4ജി സ്പീഡ്. വോഡഫോൺ 6.8 എംബിപിഎസും ഐഡിയ 5.6 എംബിപിഎസ് വേ​ഗതയുമാണ് ലഭ്യമാക്കുന്നത്. 

എന്നാൽ 3ജി വേഗതയിൽ വോഡഫോണും ബിഎസ്എൻഎല്ലും ഐഡിയയുമാണ് മുന്നിലുള്ളത്. 2.8 എംബിപിഎസ് വേ​ഗതയുമായി വോഡഫോണാണ് ആദ്യം. 2.5 എംബിപിഎസ് വേ​ഗതയുമായി ബിഎസ്എന്‍എല്ലും ഐഡിയയും 2.4 എംബിപിഎസ് വേ​ഗതയുമായി എയർടെല്ലും പിന്നാലെയുണ്ട്. 

4ജി അപ്‌ലോഡിങ് സ്പീഡിൽ വോഡഫോണാണ് മുന്നിൽ. 6.0 എംബിപിഎസ് ആണ് വോഡഫോണിന്റെ അപ്‌ലോഡിങ് സ്പീഡ്. ഐഡിയയെ പിന്നിലാക്കിയാണ് ഈ മാസം വോഡഫോൺ ഒന്നാമതെത്തിയത്. 5.5 എംബിപിഎസ് ആണ് ഐഡിയയുടെ അപ്‌ലോഡിങ് വേഗം.  4.6 എംബിപിഎസ് ആണ് ജിയോയുടെ അപ്‌ലോഡിങ് വേഗം. 3.6 എംബിപിഎസ് സ്പീഡുമായി എയർടെൽ പിന്നിലാണ്. മൈസ്പീഡ് ആപ്പ് വഴി ഉപഭോക്താക്കളിൽ നിന്നു ട്രായ‌ിക്കു ലഭിച്ച റിപ്പോർട്ടുകൾ കണക്കിലെടുത്താണ് ഈ നിർണ്ണയം. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

'അന്വേഷണവുമായി സഹകരിക്കരുത്'; ബംഗാള്‍ രാജ്ഭവന്‍ ജീവനക്കാരോട് ഗവര്‍ണര്‍

ഓള്‍റൗണ്ടര്‍ മികവുമായി ജഡേജ; പഞ്ചാബിനെ പിടിച്ചുകെട്ടി, ചെന്നൈക്ക് അനായാസ ജയം

പുൽക്കാടിന് തീപിടിച്ചു; അണച്ചപ്പോൾ കണ്ടത് കത്തിക്കരിഞ്ഞ നിലയിൽ മൃതദേഹം

രാജകീയം, അതിസുന്ദരിയായി ചക്കി: താരപുത്രിയുടെ ആറ് വെഡ്ഡിങ് ലുക്കുകൾ

എസ് രാജേന്ദ്രനെ സന്ദര്‍ശിച്ച് ബിജെപി നേതാക്കള്‍; 'സന്ദര്‍ശനത്തില്‍ രാഷ്ട്രീയമില്ല'