കൊച്ചി: സ്വര്‍ണവില റെക്കോര്‍ഡുകള്‍ ഭേദിച്ച് മുന്നേറുന്നു. ഒരു പവന്‍ സ്വര്‍ണത്തിന് 30,000 രൂപ എന്ന നിലയിലേക്കാണ് വില കുതിച്ചുയരുന്നത്. ഈ മാസം ഒന്നടങ്കം 680 രൂപയുടെ വര്‍ധനയാണ് സ്വര്‍ണവിലയില്‍ രേഖപ്പെടുത്തിയത്.

ഇന്ന് പവന് 80 രൂപയുടെ വര്‍ധനയാണ് രേഖപ്പെടുത്തിയത്. 29,080 രൂപയാണ് ഒരു പവന്‍ സ്വര്‍ണത്തിന് കേരളത്തിലെ വില. ഗ്രാമിന് പത്ത് രൂപ ഉയര്‍ന്ന് 3635 രൂപയായി.

ഈ മാസത്തിന്റെ ഒരു ഘട്ടത്തില്‍ സ്വര്‍ണവില 28000 രൂപയായി താഴ്ന്നിരുന്നു. പിന്നീട് വില കുതിച്ചു ഉയരുന്നതാണ് ദൃശ്യമായത്. അമേരിക്കന്‍ ഡോളര്‍ ദുര്‍ബലമായതാണ് സ്വര്‍ണവിലയില്‍ പ്രതിഫലിച്ചത്. സുരക്ഷിത നിക്ഷേപം എന്ന നിലയില്‍ സ്വര്‍ണത്തിലേക്കുളള നിക്ഷേപം ഉയര്‍ന്നതായാണ് റിപ്പോര്‍്ട്ടുകള്‍.