കൊച്ചി: സംസ്ഥാനത്ത് സ്വര്ണവില ഇടിയുന്നത് തുടരുന്നു. ഇന്ന് പവന് 120 രൂപ കുറഞ്ഞ് 23800 രൂപയായി. ഗ്രാമിന് 15 രൂപ താഴ്ന്ന 2975 രൂപയായി സ്വര്ണവില.
മാര്ച്ച് ഒന്നിന് 24520 രൂപയായിരുന്നു ഒരു പവന് സ്വര്ണത്തിന്. ഫെബ്രുവരി 20ന് 25000 കടന്ന് സ്വര്ണം റെക്കോഡ് നിലവാരത്തില് എത്തിയിരുന്നു. ഇതാണ് ദിവസങ്ങള്ക്കകം 1500 രൂപയോളം താഴ്ന്നത്.
തദ്ദേശ വിപണിയില് സ്വര്ണത്തിന്റെ ആവശ്യകത കുറഞ്ഞതാണ് വില കുറയാന് കാരണമെന്ന് വ്യാപാരികള് പറയുന്നു. വിവാഹസീസണിനിടെ, ചില്ലറ വ്യാപാരികള് സ്വര്ണം വാങ്ങി സൂക്ഷിക്കുന്നത് കുറഞ്ഞു. ഇതാണ് ആഗോളതലത്തില് സ്വര്ണത്തിന്റെ ആവശ്യകത ഉയര്ന്നിട്ടും വില താഴാന് കാരണമെന്നാണ് വിലയിരുത്തല്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ