മുംബൈ: ആകര്‍ഷകങ്ങളായ ആനുകൂല്യങ്ങളുമായി പ്രമുഖ ടെലികോം കമ്പനിയായ എയര്‍ടെല്‍ വീണ്ടും. 299 രൂപയുടെ പുതിയ പ്രീപെയ്ഡ് പ്ലാനാണ് എയര്‍ടെല്‍ അവതരിപ്പിച്ചിരിക്കുന്നത്. എയര്‍ടെല്‍ താങ്ക്‌സ് പ്രോഗ്രാമിന്റെ ഭാഗമായാണ് പുതിയ പ്ലാന്‍ കമ്പനി പ്രഖ്യാപിച്ചത്. 

ദിവസേന 2.5 ജിബി ഡേറ്റ ഈ പ്ലാനില്‍ ലഭിക്കും. ഒപ്പം ആമസോണ്‍ പ്രൈം അംഗത്വവും ലഭിക്കും. 28 ദിവസമാണ്  വാലിഡിറ്റി. ഇതില്‍ പരിധിയില്ലാത്ത കോളുകളും ദിവസം 100 എസ്എംഎസും ലഭിക്കും.

ഇതുവരെ എയര്‍ടെല്‍ ഇന്‍ഫിനിറ്റി പോസ്റ്റ് പെയ്ഡ് പ്ലാനുകള്‍ക്കൊപ്പം മാത്രമാണ് ആമസോണ്‍ പ്രൈം അംഗത്വം നല്‍കിയിരുന്നത്. എയര്‍ടെല്‍ ആപ്പിന്റെ പേരും എയര്‍ടെല്‍ താങ്ക്‌സ് എന്നാക്കി മാറ്റിയിട്ടുണ്ട്. ഈ ആപ്പ് ഉണ്ടെങ്കിലേ ആമസോണ്‍ പ്രൈം അംഗത്വം ആക്റ്റിവേറ്റ് ചെയ്യാനാവൂ.

പ്രൈം വീഡിയോ, പ്രൈം മ്യൂസിക്, പ്രൈം റീഡിങ് എന്നിവ  പ്രൈം അംഗത്വം ലഭിക്കുന്ന ഉപയോക്താക്കള്‍ക്ക് ഉപയോഗിക്കാന്‍ സാധിക്കും.