കൊച്ചി: തുടര്‍ച്ചയായ നാലു ദിവസം വര്‍ധന രേഖപ്പെടുത്തിയ സ്വര്‍ണ വില കുറഞ്ഞു. ഇന്ന് പവന് 160 രൂപയുടെ കുറവാണ് ഉണ്ടായത്. പവന്‍ വില 36,720 രൂപ. ഗ്രാം വില 20 രൂപ ഇടിഞ്ഞ് 4590 ആയി.

ഡിസംബര്‍ മാസത്തെ ആദ്യ നാലുദിവസവും സ്വര്‍ണവില വര്‍ധനയാണ് രേഖപ്പെടുത്തിയത്. കോവിഡ് വാക്‌സിന്‍ സംബന്ധിച്ച ആശ്വാസകരമായ വാര്‍ത്തകളാണ് കഴിഞ്ഞദിവസങ്ങളില്‍ സ്വര്‍ണവിലയില്‍ പ്രതിഫലിച്ചത്. 

കഴിഞ്ഞ 21 ദിവസത്തിനിടെ 3000 രൂപയോളം താഴ്ന്നിട്ടാണ് സ്വര്‍ണവില കഴിഞ്ഞ നാലുദിവസമായി ഉയരുന്നത്.