ന്യൂഡല്ഹി: സബ്സിഡിരഹിത പാചകവാതക സിലിണ്ടറിന്റെ വില വര്ധിച്ചു. ഡല്ഹിയിലും മുംബൈയിലും 14.2 കിലോഗ്രാം സിലിണ്ടറിന് യഥാക്രമം 19 ഉം 19.5 രൂപയുമാണ് വര്ധിച്ചത്. പുതുക്കിയ വില ഇന്ന് പ്രാബല്യത്തില് വന്നു. തുടര്ച്ചയായി അഞ്ചാം മാസമാണ് സബ്സിഡിരഹിത പാചകവാതകത്തിന്റെ വില ഉയരുന്നത്.
ഡല്ഹിയില് സബ്സിഡിരഹിത പാചകവാതകത്തിന്റെ വില സിലിണ്ടറിന് 714 രൂപയായി. മുംബൈയില് ഇത് 684രൂപയാണ്. കൊല്ക്കത്തയിലും ചെന്നൈയിലും വില യഥാക്രമം 747,734 എന്നിങ്ങനെയാണ് വര്ധിച്ചിരിക്കുന്നത്. രാജ്യത്തിന്റെ മറ്റിടങ്ങളിലും സമാനമായ വില വര്ധന ഉണ്ടായിട്ടുണ്ട്. 19 കിലോഗ്രാമുളള സിലിണ്ടറുകളുടെ വിലയിലും വര്ധന രേഖപ്പെടുത്തി. ഡല്ഹിയില് 1241 രൂപയായാണ് ഉയര്ന്നത്.
തുടര്ച്ചയായി അഞ്ചാം മാസമാണ് വില ഉയര്ന്നിരിക്കുന്നത്. ഏകദേശം 140 രൂപയുടെ വര്ധനയാണ് രേഖപ്പെടുത്തിയിരിക്കുന്നത്. പ്രതിവര്ഷം 12 സിലിണ്ടറുകളാണ് ഒരു കുടുംബത്തിന് സബ്സിഡിനിരക്കില് കേന്ദ്രസര്ക്കാര് നല്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ