രാത്രി ആര്‍മാദിച്ചതിന് ശേഷം രാവിലെ ഹാങ്ഓവറിന്റെ ബുദ്ധിമുട്ടിലാണോ? ഹാങ് ഓവര്‍ വിട്ടുമാറാതെ ജോലിക്ക് പോകണമല്ലോ എന്ന് വിഷമിച്ചിരിക്കുന്നവര്‍ക്ക് ഒരു സന്തോഷ വാര്‍ത്തയുണ്ട്.
ലണ്ടനിലെ ഒരു കമ്പനി തങ്ങളുടെ ജീവനക്കാര്‍ക്ക് ഹാങ്ങ്ഓവര്‍ ലീവ് എടുക്കാനുള്ള അവസരമാണ് നല്‍കുന്നത്. ഇതിനായി ലീവ് ഫോമില്‍ എന്തെഴുതും എന്ന് ആലോചിച്ച് തല പുകയ്ക്കുകയും വേണ്ട. ബിയര്‍, മ്യൂസിക്, സിക്ക് എന്നിങ്ങനെ ഏതെങ്കിലും ഇമോജീസ് മെസേജ് ചെയ്താല്‍ മതിയാകും.
ഇതോടെ ജീവനക്കാര്‍ക്ക് കള്ളം പറയാതെ ലീവെടുക്കാം. ലണ്ടന്‍ ആസ്ഥാനമായി പ്രവര്‍ത്തിക്കുന്ന ഡിഐസിഇ എന്ന മ്യൂസിക്ക് ടിക്കറ്റിങ് സ്മാര്‍ട്ട് ഫോണ്‍ ആപ്ലിക്കേഷന്‍ കമ്പനിയാണ് ജീവനക്കാര്‍ക്ക് ആരും നല്‍കാത്ത ഒരു ഓഫര്‍ നല്‍കുന്നത്.
കമ്പനിയുടെ ബെസ്റ്റ് ഡീലുകള്‍ നടക്കുന്നത് ഈ നൈറ്റ് പാര്‍ട്ടികള്‍ക്ക് ശേഷമാണ്. അതുകൊണ്ടാണ് ഇങ്ങനെയൊരു തീരുമാനമെടുത്തതെന്ന് സ്ഥാപകന്‍ ഫില്‍ ഹുച്ഛിയോന്‍ പറയുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ