മുംബൈ; ഭാര്യയുടെ ഉപദ്രവത്തില് സഹികെട്ട് കോടതിയെ സമീപിച്ച യുവാവിന് വിവാഹമോചനം അനുവദിച്ചു. വര്ഷങ്ങളായി ഭാര്യ തന്നെയും വീട്ടുകാരെയും ഉപദ്രവിക്കുകയാണെന്ന് ആരോപിച്ചാണ് യുവാവ് കോടതിയില് എത്തിയത്. ഭാര്യയ്ക്ക് അനുകൂലമായ കുടുംബകോടതിയിലെ വിധിയെ റദ്ദ് ചെയ്താണ് മുംബൈ ഹോക്കോടതി വിവാഹമോചനം അനുവദിച്ചത്.
ദക്ഷിണ മുംബൈയിലെ ബിസിനസ്സുകാരന് 2006 ലാണ് വിവിഹിതനാകുന്നത്. അടുത്ത വര്ഷം മുതല് ഭാര്യ ഉപദ്രവം ആരംഭിച്ചതായാണ് ഇയാള് പറയുന്നത്. കാന്സര് രോഗിയായ തന്റെ അമ്മയെ ശാരീരികമായി ഉപദ്രവിക്കുമായിരുന്നു. കൂടാതെ ഗാര്ഹിക പീഡനത്തിന് തനിക്കും വീട്ടുകാര്ക്കുമെതിരേ വ്യാജ പരാതി നല്കുകയും ചെയ്തു. ഇതിനെ തുടര്ന്ന് തന്നെയും പിതാവിനേയും പൊലീസ് അറസ്റ്റ് ചെയ്തു. പിന്നീട് സത്യം മനസിലാക്കി തങ്ങളെ വെറുതെ വിടുകയായിരുന്നെന്നും ഇയാള് കോടതിയില് പറഞ്ഞു.
2009 ലാണ് വിവാഹമോചനം ആവശ്യപ്പെട്ട് യുവാവ് പരാതി നല്കിയത്. ഭര്ത്താവിനും കുടുംബാംഗങ്ങള്ക്കും എതിരേ നിരവധി വ്യാജ പരാതികളാണ് യുവതി നല്കിയിരുന്നത്. വിവാഹമോചനം അനുവദിച്ച കോടതി യുവതിയോട് ഭര്ത്താവിന് 50,000 രൂപ കോടതി ചെലവ് നല്കാനും ആവശ്യപ്പെട്ടു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ