ഹണിമൂണ്‍ ആഘോഷങ്ങള്‍ക്ക് വനത്തോട് അടുത്തുള്ള സ്ഥലങ്ങള്‍ തെരഞ്ഞെടുക്കുന്നതില്‍ നവദമ്പതികള്‍ പ്രത്യേക താല്‍പ്പര്യം കാണിക്കാറുണ്ട്. കാടിന്റെ വന്യത, പ്രകൃതിയുടെ സൗന്ദര്യം എന്നിവയിലുപരി, തികഞ്ഞ സ്വകാര്യതയും ഇത്തരം കേന്ദ്രങ്ങള്‍ തെരഞ്ഞെടുക്കുന്നതില്‍ പ്രധാന സ്ഥാനം വഹിക്കുന്നു.
ഇത്തരത്തില്‍ കെനിയയില്‍ മധുവിധു ആഘോഷത്തിന് എത്തിയതാണ് ഇറ്റലിക്കാരിയായ നതാലിയയും ഭര്‍ത്താവും. കാടിനാല്‍ ചുറ്റപ്പെട്ട റിസോര്‍ട്ട് ആണ് ഇവര്‍ ആഘോഷത്തിനായി തെരഞ്ഞെടുത്തതും. സമീപത്തെ വെള്ളച്ചാട്ടവും കോട്ടേജുകളും മുറ്റത്തെ സ്വിമ്മിങ് പൂളും നവദമ്പതികളെ ഏറെ ആഹ്ലാദചിത്തരാക്കി.
മധുവിധു ആഘോഷിക്കാനെത്തിയ യുവമിഥുനങ്ങളുടെ പ്രണയസല്ലാപങ്ങള്‍ മിക്കവാറും സ്വിമ്മിങ് പൂളിലായിരുന്നു. ചുറ്റും ആളനക്കമില്ലാത്ത പൂളില്‍ ഇരുവരും പ്രണയം പങ്കുവച്ചു. ഇതിനിടെയാണ് തികച്ചും യാദൃശ്ചികമായി അത് സംഭവിച്ചത്.
പൂളില്‍ പ്രണയകേളികളിലേര്‍പ്പെട്ടിരുന്ന ഇവരുടെ ഒത്ത നടുവിലേക്ക് ഒരു പാമ്പ് വില്ലനായി കടന്നുവന്നു. പാമ്പിനെ കണ്ടതോടെ എന്തുചെയ്യണമെന്നറിയാതെ, നതാലിയ പേടിച്ചു വിറച്ചു. സമയോചിതമായി ഇടപെട്ട സെക്യൂരിറ്റി ജീവനക്കാര്‍ പാമ്പിനെ നെറ്റ് ഉപയോഗിച്ച് പിടിച്ചു മാറ്റി നവദമ്പതികളെ രക്ഷപ്പെടുത്തുകയായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ