വെള്ളത്തിനടിൽ പതിയിരുന്ന് ആമ ജീവനുള്ള പാമ്പിനെ കടിച്ചു തിന്നുന്ന ദൃശ്യമാണ് സമൂഹമാധ്യമങ്ങളിൽ വൈറലാകുന്നത്. വെള്ളത്തിനടിയിലിരുന്ന് ആമ പാമ്പിനെ കടിച്ചുമുറിച്ചു ഭക്ഷിക്കുന്നത് ദൃശ്യത്തിൽ കാണാം. മുകളിലേക്ക് നീന്താൻ ശ്രമിക്കുമ്പോഴും പാമ്പിന്റെ വാലിൽ ആമ പിടിമുറിക്കിയിരിക്കുകയാണ്. വേദനകൊണ്ട് പുളയുന്ന പാമ്പ് ജീവനും കൊണ്ട് രക്ഷപെടാനുള്ള ശ്രമത്തിലാണെന്ന് വിഡിയോയിൽ വ്യക്തമാണ്. 

സ്ലാപ്പിങ് ടർട്ടിലുകൾ എന്നറിയപ്പെടുന്ന ആമയാണ് വിഡിയോയിൽ ഉള്ളത്. ശുദ്ധജലത്തിൽ ജീവിക്കുന്ന ഇവ ഇരപിടിക്കാനും ശത്രുക്കളെ തുരത്താനും കേമൻമാരാണ്. കട്ടിയേറിയ പുറന്തോടും ശക്തമായ താടിയെല്ലും പരുപരുത്ത മോണയുമാണ് ഇവർ ആയുധമാക്കുന്നത്. തെക്കുകിഴക്കൻ കാനഡയിലും തെക്കുപടിഞ്ഞാറൻ റോക്കി മമലനിരകളിലുമാണ് ഇവയെ ധാരളമായി കാണുക. 

ഡാർക്ക് സൈഡ് ഓഫ് നേച്ചറിന്റെ ട്വിറ്റർ പേജിലാണ് വിഡിയോ പങ്കുവച്ചിരിക്കുന്നത്. ഇതിനോടകം അഞ്ചരലക്ഷത്തോളം പേർ വിഡിയോ കണ്ടുകഴിഞ്ഞു.