ഭക്ഷണത്തില്‍ വിചിത്രമായ കോമ്പിനേഷനുകള്‍ പരീക്ഷിക്കുന്നത് ഇപ്പോള്‍ ട്രെന്‍ഡാണ്. പിസ പാനി പൂരി, ചോക്ലേറ്റ് പറാത്ത എന്നുതിടങ്ങി കോഫി മാഗ്ഗി, ഗുലാബ് ജാമുന്‍ ചാട്ട് എന്നിങ്ങനെ നീളുന്നു ഈ വമ്പന്‍ പരീക്ഷണങ്ങളുടെ നിര. ഇതിലേക്കിതാ പുതിയൊരു കോമ്പിനേഷന്‍ കൂടി സ്ഥാനം പിടിച്ചിരിക്കുകയാണ്. ജിലേബിക്കൊപ്പം കിഴങ്ങുകറിയാണ് പുതിയ വിഡിയോയിലെ പരീക്ഷണം.
സംഗതി പരീക്ഷണമെന്ന് പറയാനാകില്ല, മഥുരയിലെ വൃന്ദാവനത്തിലെ ഹിറ്റ് വിഭവമാണ് ഇതെന്നാണ് വിഡിയോയില്‍ പറയുന്നത്. "അങ്ങനെ ഈ വിചിത്ര കോംബോയും പരീക്ഷിച്ചു!. മഥുരയിലെ വൃന്ദാവനത്തിലെ വളരെ പ്രസിദ്ധമായ ഒന്നാണ് ജിലേബിയും കിഴങ്ങുകറിയും കൂടിയുള്ള കോമ്പിനേഷന്‍. അതുകൊണ്ട് ഞാന്‍ അവസാനം ഇതൊന്ന് പരീക്ഷിച്ചു", എന്ന് കുറിച്ചാണ് വിഡിയോ പങ്കുവച്ചിരിക്കുന്നത്.
സംഭവം ഫേമസ് ആണെങ്കിലും വിഡിയോ കണ്ടവര്‍ക്ക് ഇതത്ര പിടിച്ചിട്ടില്ല. ആ ജിലേബിയും കിഴങ്ങുകറിയും വേസ്റ്റ് ആക്കിയെന്നാണ് ചിലര്‍ കമന്റില്‍ പറഞ്ഞിരിക്കുന്നത്. ഇതെന്ത് കോമ്പിനേഷന്‍, ഇതൊക്കെ കഴിച്ചാല്‍ വയറ് കേടായതുതന്നെ, ഇതൊക്കെ ആരെങ്കിലും കഴിക്കുമോ?, ഇങ്ങനെ നീളുന്നു കമന്റുകള്‍.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ