ലോകത്ത് പലതരം ആസക്തികള്‍ ചര്‍ച്ചയാകാറുണ്ട്. ലഹരി മുതല്‍ മൊബൈല്‍ ഫോണ്‍ അഡിക്ഷന്‍ വരെ ഇക്കുട്ടത്തിലുണ്ട്. ഇപ്പോഴിതാ ചൂര മീനിനോടുള്ള ഒരാളുടെ അഡിക്ഷനാണ് വാര്‍ത്തയാകുന്നത്. യു എസ്സിലെ ലോറന്‍സിലുള്ള കന്‍സാസ് സ്വദേശിയായ യുവാവാണ് ചൂര മീനിനോട് തനിക്ക് അമിതമായ ആസക്തിയാണെന്ന് വെളിപ്പെടുത്തിയത്. ആഴ്ചയില്‍ 15 കാന്‍ ചൂര മീന്‍ കഴിക്കാറുണ്ടെന്നും അതിന്റെ മണവും രുചിയും ആസ്വദിക്കാതിരിക്കാന്‍ കഴിയില്ലെന്നുമാണ് ഇയാള്‍ പറയുന്നത്.
ഒരു ടെലിവിഷന്‍ പരിപാടിയിലാണ് ട്യൂണ ടൈലര്‍ എന്ന വിളിപ്പേരുള്ള വ്യക്തിയുടെ വെളിപ്പെടുത്തല്‍. ചൂര മണക്കാനും കഴിച്ചുകൊണ്ടിരിക്കാനുമൊക്കെ തോന്നുമെന്ന് ഇയാള്‍ പറഞ്ഞു. 'എല്ലാ ദിവസവും, എല്ലാ സമയത്തും, രാത്രി മുഴുവനും, ഏത് ദിവസവും, എന്നും ട്യൂണ മണക്കാന്‍ എനിക്ക് ഇഷ്ടമാണ്', ടൂണ ടൈലര്‍ പറഞ്ഞു.
'അവന് എല്ലാക്കാലത്തും മീന്‍ ഇഷ്ടമായിരുന്നു. ചെറുപ്പത്തില്‍, ഈസ്റ്റര്‍ സമയത്തൊക്കെ മറ്റ് കുട്ടികള്‍ ചോക്ലേറ്റും മറ്റും വേണമെന്ന് ആഗ്രഹിക്കുമ്പോള്‍ ഇവന് ഞങ്ങള്‍ കൊടുത്തിരുന്നത് ചൂരയുടെ കാനുകളാണ്. കാരണം അവന് അതാണ് ഇഷ്ടം', ടൈലറിന്റെ അമ്മ പറഞ്ഞു. എന്നാല്‍ മകന്റെ ഇഷ്ടം അതിന്റെ മണം പോലും ആസ്വദിച്ചുകൊണ്ടിരിക്കുന്ന ഒരു തലത്തിലേക്ക് ആസക്തിയായി മാറുമെന്ന് താന്‍ കരുതിയില്ലെന്നും അമ്മ കൂട്ടിച്ചേര്‍ത്തു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ