ജക്കാർത്ത: പുരുഷ വിഭാഗം ട്രിപ്പിൾ ജംപിൽ ഇന്ത്യൻ താരം അർപീന്ദർ സിങ്ങിന് സ്വർണ്ണം. 16.77 മീറ്റർ ദൂരം താണ്ടിയാണ് അർപീന്ദർ സ്വർണ്ണം നേടിയത്. ഇന്ത്യയുടെ പത്താം സ്വർണ്ണമാണ് ഇത്.  ഇതോടെ ജക്കാർത്തയിൽ ഇന്ത്യയ്ക്ക് 10 സ്വർണവും 20 വെള്ളിയും 23 വെങ്കലവും ഉൾപ്പെടെ 53 മെഡലായി. 

48 വർഷത്തിനുശേഷമാണ് ട്രിപ്പിൾ ജംപിൽ ഒരു ഇന്ത്യൻ താരം സ്വർണ്ണം നേടുന്നത്. 1970ൽ മൊഹീന്ദർ സിങ് ഗില്ലാണ് ഇതിനുമുൻപ് സ്വർണ്ണം നേടിയത്. 16.11 മീറ്റർ‌ ദൂരമാണ് അന്ന് മൊഹീന്ദർ സിങ് താണ്ടിയത്.