ക്രിക്കറ്റില്‍ ഇതുവരെ പിന്തുടര്‍ന്നു പോന്ന ഒരോവറിലെ ആറ് ഡെലിവറികള്‍ക്ക് പകരം 20 അഞ്ച് ഡെലിവറിയെന്ന നിര്‍ദേശവുമായി ഇംഗ്ലണ്ട് ആന്‍ഡ് വെയില്‍സ് ക്രിക്കറ്റ് ബോര്‍ഡ്. 2020ടെ കൊണ്ടുവരാന്‍ ശ്രമിക്കുന്ന 100 ബോള്‍ ക്രിക്കറ്റിന് വേണ്ടിയാണ് പുതിയ നിര്‍ദേശം. 

നായകന് താത്പര്യം ഉണ്ടെങ്കില്‍ ഒരു ഓവര്‍ എറിഞ്ഞ ബൗളറെ അടുത്ത ഓവറും ബോള്‍ ഏല്‍പ്പിക്കാം. അങ്ങിനെ പത്ത് ഡെലിവറികള്‍ ഒരു ബൗളര്‍ക്ക് തുടര്‍ച്ചയായി എറിയാം. പുതിയ നിര്‍ദേശത്തിന്റെ സാധ്യതകള്‍ ആരായുകയാണ് ഇംഗ്ലണ്ട് ക്രിക്കറ്റ് ബോര്‍ഡ്. 

രണ്ടര മണിക്കൂറില്‍ കളി തീരും വിധമാണ് 100 ബോള്‍ ക്രിക്കറ്റ് ലക്ഷ്യം വയ്ക്കുന്നത്. 10 ബോളുകള്‍ ഒരുമിച്ച് എറിയുമ്പോള്‍ സ്‌ട്രൈക്കേഴ്‌സ് എന്‍ഡ് മാറി വരേണ്ടതുമില്ല. സെപ്തംബര്‍ മുതല്‍ ഇംഗ്ലണ്ട് പ്രാദേശിക മത്സരങ്ങളില്‍ ഈ നിര്‍ദേശങ്ങള്‍ നടപ്പിലാക്കി തുടങ്ങും.

2020 ജൂലൈ, ഓഗസ്റ്റോടെ എട്ട് സിറ്റി ടീമുകളുമായി 100 ബോള്‍ ക്രിക്കറ്റ് ആരംഭിക്കാനാണ് പദ്ധതി. ഒരു ബൗളര്‍ക്ക് തന്നെ പന്ത് ഡെലിവറി എറിയാന്‍ നല്‍കുമ്പോള്‍ കൂടുതല്‍ പരീക്ഷണങ്ങള്‍ നായകന് ഫീല്‍ഡില്‍ നടത്താമെന്നും ഇതിനെ പിന്തുണച്ച് വാദങ്ങള്‍ ഉയര്‍ന്നിട്ടുണ്ട്.