വിശേഷങ്ങള്‍ അധികം ആവശ്യമില്ല മുന്‍ ഇന്ത്യന്‍ ക്യാപ്റ്റന്‍ മഹേന്ദ്ര സിങ് ധോണിക്ക്. ഇരട്ട ലോകകപ്പ് നേട്ടങ്ങളിലേക്ക് ഇന്ത്യയെ നയിച്ച ക്യാപ്റ്റന്‍ കൂളായിരുന്ന ധോണി തന്റെ ക്രിക്കറ്റ് കരിയറില്‍ നിരവധി റെക്കോര്‍ഡുകളും സ്വന്തമാക്കിയിട്ടുണ്ട്. ഇപ്പോഴിതാ മറ്റൊരു പെരുമ കൂടി നേടിയിരിക്കുകയാണ് വെറ്ററന്‍ താരം. പക്ഷേ അത് ക്രിക്കറ്റിലല്ലെന്ന് മാത്രം. 

ജാര്‍ഖണ്ഡ് സംസ്ഥാനത്ത് ഏറ്റവും കൂടുതല്‍ നികുതിയടയ്ക്കുന്ന വ്യക്തിയായി മാറിയിരിക്കുന്നു ധോണി. 2017-18 സാമ്പത്തിക വര്‍ഷത്തില്‍ ധോണി നികുതിയായി നല്‍കിയത് 12.17 കോടി രൂപ. അടുത്ത സാമ്പത്തിക വര്‍ഷത്തേക്ക് മൂന്ന് കോടി രൂപ നികുതിയിനത്തില്‍ മുന്‍കൂറായി നല്‍കിയും കഴിഞ്ഞു മുന്‍ ഇന്ത്യന്‍ നായകന്‍. സംസ്ഥാനത്ത് ഏറ്റവും കൂടുതല്‍ നികുതിയടയ്ക്കുന്ന വ്യക്തിയായി ധോണി ആദ്യമായാണ്  മാറുന്നത്. 

2016-17 സാമ്പത്തിക വര്‍ഷത്തില്‍ ധോണി 10.93 കോടി രൂപയാണ് നികുതിയടച്ചത്. ആ വര്‍ഷം മറ്റൊരാള്‍ ഇതില്‍ കൂടുതല്‍ തുകയടച്ചിരുന്നതായി ആദായ നികുതി കമ്മീഷണര്‍ വി മഹാലിംഗം പറയുന്നു.