തിരുവനന്തപുരം: വിവാദങ്ങള്‍ക്ക് ഒടുവില്‍ ഇന്ത്യ- വെസ്റ്റ് ഇന്‍ഡീസ് ഏകദിനം കേരളപ്പിറവി ദിനത്തില്‍ തിരുവനന്തപുരത്ത് നടക്കും. ബിസിസിഐ ടൂര്‍ ആന്‍ഡ് ഫിക്‌സ്‌ച്ചേഴ്‌സ് കമ്മിറ്റിയുടെതാണ് തീരുമാനം.ഇന്ത്യ- വെസ്റ്റ് ഇന്‍ഡീസ് പരമ്പരയിലെ അഞ്ചാം ഏകദിനമാണ് തിരുവനന്തപുരം കാര്യവട്ടം സ്റ്റേഡിയത്തില്‍ നടക്കുക. പകലും രാത്രിയുമായി നടക്കുന്ന മത്സരം ഉച്ചയ്ക്ക് 1.30 നാണ് ആരംഭിക്കുക. അതേസമയം ഓസ്‌ട്രേലിയക്കെതിരായ ഏകദിനം മത്സരം കേരളത്തിന് ലഭിക്കുമെന്ന പ്രതീക്ഷയ്ക്ക് തീരുമാനം മങ്ങലേല്‍പ്പിച്ചതായും റിപ്പോര്‍ട്ടുകളുണ്ട്.
ഇന്ത്യ- വെസ്റ്റ് ഇന്‍ഡീസ് ഏകദിനത്തിന്റെ വേദിയെ ചൊല്ലി കേരളത്തില്‍ വാദപ്രതിവാദങ്ങള്‍ നടന്നിരുന്നു. കൊച്ചിയില്‍ ഫുട്‌ബോള്‍ മത്സരങ്ങള്‍ മാത്രമേ നടത്താന്‍ പാടുളളുവെന്ന് ഒരു വിഭാഗം വാദിച്ചപ്പോള്‍, കേരള ക്രിക്കറ്റ് അസോസിയേഷന്‍ പരിപാലിക്കുന്ന ജവഹര്‍ ലാല്‍ നെഹ്‌റു സ്റ്റേഡിയത്തില്‍ ക്രിക്കറ്റ് മത്സരങ്ങളും അനുവദിക്കണമെന്ന് മറുഭാഗം ഉന്നയിച്ചു. വാദപ്രതിവാദങ്ങള്‍ക്ക് ഒടുവില്‍ തിരുവനന്തപുരത്ത് മത്സരം നടത്താന്‍ തീരുമാനിക്കുകയായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ