പാരീസ്: കളിമണ് കോര്ട്ടില് വീണ്ടും അട്ടിമറി. 19 വര്ഷത്തിനിടെ ഫ്രഞ്ച് ഓപ്പണ് സെമിയില് എത്തുന്ന ഏറ്റവും താഴ്ന്ന റാങ്കുകാരന് എന്ന നേട്ടവും തന്റെ പേരിലാക്കി ഇറ്റലിയുടെ മാര്കോ സെച്ചിനാറ്റോ മുന്നേറിയപ്പോള് ലോക മുന് ഒന്നാം നമ്പര് താരം നൊവാക് ജോക്കോവിച്ചിന് മറുപടിയുണ്ടായില്ല.
നാല് സെറ്റുകളിലേക്ക് നീണ്ട പോരാട്ടത്തില് 6-3, 7-6, 1-6,7-6 എന്ന സ്കോറില് ജോക്കോവിച്ചിന്റെ കിരീട മോഹങ്ങള് മാര്കോ തകര്ത്തു. ആദ്യ രണ്ട് സെറ്റുകള് പിടിച്ച് മുന്നേറിയ മാര്കോയെ മൂന്നാം സെറ്റില് ജോക്കോവിച്ച് കുഴക്കിയെങ്കിലും കടുത്ത പോരാട്ടം കണ്ട നാലാം സെറ്റില് ജയം വിട്ടുകൊടുക്കാതെ ഇറ്റലിയുടെ താരം ചരിത്രം തീര്ക്കുകയായിരുന്നു.
ടൈ ബ്രേക്കറിലൂടെയായിരുന്നു മൂന്ന് മണിക്കൂറും 26 മിനിറ്റഉം നീണ്ടുനിന്ന പോരാട്ടത്തില് ലോക റാങ്കിങ്ങില് 72ാം സ്ഥാനക്കാരനായ മാര്കോ നാലാം സെറ്റ് സ്വന്തമാക്കി ജോക്കോവിച്ചിന് മടക്കി അയച്ചത്. ഒരു ഗ്രാന്ഡ്സ്ലാം മത്സരം പോലും വിജയിക്കാതെ എത്തി ഫ്രഞ്ച് ഓപ്പണിനിറങ്ങിയ താരമാണ് കളിമണ് കോര്ട്ടില് ഇന്ന് ഏവരേയും അത്ഭുതപ്പെടുത്തുന്നത്. 40 വര്ഷത്തിന് ഇടയില് ഒരു ഗ്രാന്ഡ്സ്ലാം ടൂര്ണമെന്റിന്റെ സെമിയിലെത്തുത്ത ആദ്യ ഇറ്റലിക്കാരനുമായി മാര്കോ.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ