ഷാഹിദ് അഫ്രീദിയോട് ഫുട്‌ബോള്‍ പ്രേമികള്‍ക്കുള്ള ഇഷ്ടം പറഞ്ഞറിയിക്കാനാവാത്തതാണ്. ബാറ്റുകൊണ്ടും ബോളുകൊണ്ടും അഫ്രീദി തീര്‍ത്ത വിസ്മയങ്ങള്‍ ഇപ്പോഴും ലോകത്തെ ക്രിക്കറ്റ് പ്രേമികളുടെ ഉള്ളിലുണ്ടാകും. എന്നാലിപ്പോ വാര്‍ത്തയാകുന്നത് അഫ്രീദിയല്ല, മകളാണ്...
വിക്കറ്റ് വീഴ്ത്തിയതിന് ശേഷം ഇരുകൈകളും മുകളിലേക്കുയര്‍ത്തിയുള്ള അഫ്രീദിയുടെ ആഘോഷം ക്രിക്കറ്റ് പ്രേമികളുടെ മനസില്‍ നിന്നും അത്ര വേഗം പോകില്ല. ഇപ്പോഴിതാ മകളും അതേ രീതിയില്‍ ആഘോഷിക്കുകയാണ്...
ആ ആഘോഷം സിംഹത്തിന്റെ മടയിലാണെന്ന് മാത്രം. മകള്‍ തന്റെ വിക്കറ്റ് സെലിബ്രേഷന്‍ അനുകരിക്കുന്നതിന്റെ സന്തോഷത്തില്‍ അഫ്രീദി ട്വീറ്റ് ചെയ്ത ഫോട്ടോയാണ് ആരാധകരെ വിസ്മയിപ്പിക്കുന്നത്. മകള്‍ക്ക് തൊട്ടുപിറകിലായി കിടക്കുന്ന സിംഹം.
സിംഹവും മകളും ഒരുമിച്ച് പ്രത്യക്ഷപ്പെട്ടതിനെ കുറിച്ചാണ് ഇപ്പോള്‍ അഫ്രീദിക്ക് നേരെ ആരാധകരില്‍ നിന്നും ഉയരുന്ന ചോദ്യങ്ങള്‍ എല്ലാം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ