നൂറില് താഴെ സ്കോറിന് ഏതെങ്കിലും ടീം ഈ കാലത്ത് പുറത്താവുമോ എന്നായിരുന്നു ഹാമില്ട്ടണില് വീണ ഇന്ത്യയെ പരിഹസിച്ച് ചോദ്യവുമായി ഇംഗ്ലണ്ട് മുന് നായകന് മൈക്കല് വോണ് എത്തിയത്. പിന്നെ വോണിന് ഇന്ത്യന് ആരാധകര് നല്ല പൊങ്കാല തന്നെ നല്കി. പക്ഷേ വോണിന് അതുകൊണ്ടും തൃപ്തിയായിട്ടില്ല. മാസങ്ങള്ക്ക് ശേഷം ടെസ്റ്റില് ഒരു ഓസീസ് താരം സെഞ്ചുറി നേടിയതിനെ ട്രോളിയാണ് വോണ് വീണ്ടും ആരാധകരുടെ കയ്യില് നിന്നും വാങ്ങിക്കൂട്ടുന്നത്.
ശ്രീലങ്കയ്ക്കെതിരായ ടെസ്റ്റില് ജോ ബേണ്സ് സെഞ്ചുറി നേടിയതോടെയാണ് ഓസ്ട്രേലിയയുടെ സെഞ്ചുറി വരള്ച്ച അവസാനിച്ചത്. ബ്രേക്കിങ് ന്യൂസ്, ഒരു ഓസീസ് താരം ടെസ്റ്റില് സെഞ്ചുറി നേടിയിരിക്കുന്നു എന്ന് പറഞ്ഞാണ് മൈക്കല് വോണ് കളിയാക്കിയത്. 2018 ഓക്ടോബറിന് ശേഷം ഒരു ഓസീസ് താരം ടെസ്റ്റില് നേടുന്ന ആദ്യ സെഞ്ചുറിയായിരുന്നു ബേണ്സിന്റേത്. ബേണ്സിന് പുറമെ ഹെഡും സെഞ്ചുറി കണ്ടെത്തി.
ഓസ്ട്രേലിയയെ പരിഹസിച്ചെത്തിയ മൈക്കല് വോണിന് ആരാധകര് ട്വിറ്ററില് നല്ല മറുപടി നല്കുന്നുണ്ട്. ടീം ടോട്ടല് പോലും നൂറ് കടത്താന് പാടുപെടുകയാണ് നിങ്ങളുടെ ടീം. ബ്രേക്കിങ് ന്യൂസ്, ഇംഗ്ലണ്ട് വിന്ഡിസിനെതിരെ ആദ്യ ഇന്നിങ്സില് നൂറ് റണ്സ് പിന്നിട്ടിരിക്കുന്നു എന്നെല്ലാം പറഞ്ഞാണ് ആരാധകര് വോണിനെ ട്രോളുന്നത്. വിന്ഡിസിനെതിരായ ടെസ്റ്റില് 77 റണ്സിനാണ് ഇംഗ്ലണ്ട് ഓള് ഔട്ടായിരുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ