മങ്കാദിങ് വിക്കറ്റിന്റെ പേരില്‍ അശ്വിന് നേര്‍ക്കുള്ള വിമര്‍ശനങ്ങള്‍ ക്രിക്കറ്റ് ലോകത്ത് നിന്നും ശക്തമായി ഉയര്‍ന്നുകൊണ്ടിരിക്കുകയാണ്. എന്നാല്‍ ക്രിക്കറ്റ് നിയമങ്ങള്‍ക്കുള്ളില്‍ നിന്നുകൊണ്ടാണ് കളിച്ചത് എന്നും ചെയ്തതില്‍ ഒരു കുറ്റബോധവും ഇല്ലെന്നാണ് അശ്വിന്റെ പ്രതികരണം. വിവാദം കൊഴുക്കവെ, കളിക്ക് ശേഷം അശ്വിന് ഷെയ്ക് ഹാന്‍ഡ് നല്‍കാതെയിരുന്ന ബട്ട്‌ലറിന്റെ വീഡിയോയാണ് ഇപ്പോള്‍ പുറത്തു വരുന്നത്.
13 റണ്‍സിന് കിങ്‌സ് ഇലവന്‍ പഞ്ചാബ് ജയിച്ചതിന് പിന്നാലെ ഇരു ടീമിലേയും കളിക്കാര്‍ പരസ്പരം ഹസ്തദാനം ചെയ്യുന്നതിന് ഇടയില്‍ അശ്വിന് കൈകൊടുക്കുവാന്‍ കൂട്ടാക്കാതെ പോവുകയാണ് ബട്ട്‌ലര്‍. ഇത് കണ്ട് അത്ഭുതപ്പെട്ട് അശ്വിന് ബട്ട്‌ലറെ തിരിഞ്ഞു നോക്കുന്നുമുണ്ട്.
രാജസ്ഥാന്‍ ഇന്നിങ്‌സിന്റെ 13ാം ഓവറിലായിരുന്നു സംഭവം. ബൗളിങ് ആക്ഷന്‍ പൂര്‍ത്തിയാക്കുന്നതിന് മുന്‍പ്, ബട്ട്‌ലര്‍ ക്രീസ് വിട്ട് പുറത്തേക്ക് പോവുന്നത് കണ്ട അശ്വിന് സ്റ്റംപ് ഇളക്കുകയായിരുന്നു. അമ്പയര്‍ ഔട്ട് വിധിക്കുകയും ചെയ്തു. എന്നാല്‍ ക്രിക്കറ്റ് ലോകത്ത് നിന്നും വലിയ വിമര്‍ശനമാണ് ഇതിന്റെ പേരില്‍ അശ്വിന് നേരിടേണ്ടി വരുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ