ലണ്ടന്‍: ഇന്ത്യന്‍ ഓള്‍ റൗണ്ടര്‍ ഹര്‍ദിക് പാണ്ഡ്യ ശസ്ത്രക്രീയയ്ക്ക് വിധേയനായി. ലണ്ടനിലായിരുന്നു ശസ്ത്രക്രീയ. പരിക്കില്‍ നിന്ന് മുക്തനായി എപ്പോള്‍ കളിക്കളത്തിലേക്ക് ഹര്‍ദിക്കിന് തിരിച്ചെത്താന്‍ ആവുമെന്ന് ബിസിസിഐ വ്യക്തമാക്കിയിട്ടില്ല.
സൗത്ത് ആഫ്രിക്കയ്‌ക്കെതിരായ ട്വന്റി20ക്ക് ഇടയിലാണ് ഹര്‍ദിക്കിന്റെ പരിക്ക് പ്രശ്‌നം തീര്‍ത്തത്. ലോകകപ്പിന് മുന്‍പ് പരിക്കിന്റെ പിടിയിലായിരുന്നു ഹര്‍ദിക്. ലോകകപ്പ് കളിച്ചെങ്കിലും പിന്നാലെ വന്ന വിന്‍ഡിസ് പര്യടനത്തില്‍ ഹര്‍ദിക്കിന് വിശ്രമം അനുവദിച്ചിരുന്നു.ഏഷ്യാ കപ്പില്‍ പാകിസ്ഥാനെതിരായ മത്സരത്തിനിടയിലാണ് ഹര്‍ദിക്കിന് ആദ്യം പരിക്കേല്‍ക്കുന്നത്.
പിന്നാലെ ഏറെ നാള്‍ ഹര്‍ദിക്കിന് കളിക്കളത്തില്‍ നിന്ന് വിട്ടുനില്‍ക്കേണ്ടി വന്നിരുന്നു. സൗത്ത് ആഫ്രിക്കയ്‌ക്കെതിരായ പരമ്പരയ്ക്ക് ശേഷം ബംഗ്ലാദേശ്, വിന്‍ഡിസ് ടീമുകളാണ് ഇന്ത്യയിലേക്ക് എത്തുന്നത്. ഈ പരമ്പരകള്‍ക്കായി ഹര്‍ദിക്കിന് മടങ്ങിയെത്താനാവുമോ എന്ന് വ്യക്തമല്ല.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ