വാ​ഷിം​ഗ്ട​ൺ: യുഎസ് ഓപ്പൺ ടെന്നീസ് കിരീടം 19കാ​രി ബി​യാ​ങ്ക ആ​ന്ദ്രീ​സ്ക്കു. സെറീന വില്യംസിനെ  6-3, 7-5 എന്ന സ്കോറിന് തോൽപിച്ചാണ് കാനഡക്കാരി ബി​യാ​ങ്ക ആദ്യമായി ഒരു പ്രമുഖ കിരീടം ജയിക്കുന്നത്. 

ആദ്യമായാണ് ഒരു കനേഡിയന്‍ വനിതാ താരം പ്രമുഖ ടെന്നീസ് സിംഗിള്‍സ് കിരീടം ചൂടുന്നത്. ഗ്യാലറി മുഴുവന്‍ സെറീനയ്‌ക്കൊപ്പം നിന്ന മത്സരത്തില്‍ പക്ഷെ ജയം ബിയാങ്കയ്‌ക്കൊപ്പമായിരുന്നു.

സെറീനയ്‌ക്കെതിരെ കളിക്കാനായി എന്നതുതന്നെ വളരെ മികച്ച ഒരു അനുഭവമായിരുന്നെന്നും ജയം ഒരിക്കലും എളിപ്പമായിരുന്നില്ലെന്നും മത്സരശേഷം ബിയാങ്ക പറഞ്ഞു.