ചെന്നൈ: കൊല്‍ക്കത്ത നൈറ്റ്‌റൈഡേഴ്‌സിന്റെ സ്റ്റാര്‍ സ്പിന്നര്‍ വരുണ്‍ ചക്രവര്‍ത്തി വിവാഹിതനായി. ഏറെ നാളായി സൗഹൃദത്തിലായിരുന്ന നേഹ ഖേതെക്കറാണ് വരുണിന്റെ ജീവിതസഖി...
ഓസ്‌ട്രേലിയക്കെതിരായ ഇന്ത്യയുടെ ടി20 ടീമില്‍ വരുണ്‍ ഉള്‍പ്പെട്ടിരുന്നു. എന്നാല്‍ പരിക്കിനെ തുടര്‍ന്ന് പര്യടനം നഷ്ടമായി. ഈ വര്‍ഷം ആദ്യമാണ് ഇവരുടെ വിവാഹം നിശ്ചയിച്ചിരുന്നത്. എന്നാല്‍ കോവിഡിനെ തുടര്‍ന്ന് ചടങ്ങുകള്‍ മാറ്റി വെക്കേണ്ടതായി വന്നു.
ലോക്ക്ഡൗണ്‍ സമയത്ത് വരുണും നേഹയും രണ്ടിടത്തായിരുന്നു. വരുണ്‍ ചെന്നൈയില്‍ കുടുങ്ങിയപ്പോള്‍ മുംബൈയിലായിരുന്നു നേഹ. കൊല്‍ക്കത്ത നൈറ്റ്‌റൈഡേഴ്‌സ് ഇവരുടെ വിവാഹ വിശേഷങ്ങളുമായി ആരാധകരിലേക്ക് എത്തുന്നു. ഐപിഎല്ലില്‍ യുഎഇയില്‍ മികവ് കാണിച്ചതോടെയാണ് വരുണിന്റെ ഇന്ത്യയുടെ ഓസീസ് പര്യടനത്തിലേക്ക് വിളിയെത്തിയത്. ഐപിഎല്ലില്‍ 13 കളിയില്‍ നിന്ന് വരുണ്‍ 17 വിക്കറ്റ് വീഴ്ത്തിയിരുന്നു
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ