മുംബൈ: മാഞ്ചസ്റ്ററില്‍ നടന്ന ഇംഗ്ലണ്ട്-വെസ്റ്റ് ഇന്‍ഡീസ് രണ്ടാം ക്രിക്കറ്റ് ടെസ്റ്റില്‍ ഇംഗ്ലണ്ടിന്റെ വിജയം സച്ചിന്‍ ടെണ്ടുല്‍ക്കര്‍ നേരത്തെ പ്രവചിച്ചിരുന്നു. മുംബൈ താരം സൂര്യകുമാര്‍ യാദവാണ് ഇക്കാര്യം വെളിപ്പെടുത്തി എത്തുന്നത്.
കളിയുടെ അഞ്ചാം ദിനം രാവിലെ സച്ചിനുമായി കളിയെ കുറിച്ച് സംസാരിച്ചപ്പോള്‍, ഇംഗ്ലണ്ട് 300ന് മുകളില്‍ വിജയ ലക്ഷ്യം വെക്കുമെന്നും, അവര്‍ ടെസ്റ്റ് ജയിക്കും. മത്സരത്തില്‍ ജയിക്കണമെങ്കില്‍ വിന്‍ഡിസ് അവരുടെ മുഴുവന്‍ കഴിവും പുറത്തെടുക്കേണ്ടി വരുമെന്നും സച്ചിന്‍ പറഞ്ഞു, സൂര്യകുമാര്‍ യാദവ് ട്വീറ്റ് ചെയ്തു.
സൂര്യകുമാര്‍ യാദവിന്റെ ഈ ട്വീറ്റിന് മറുപടിയായി സച്ചിനെത്തി. താന്‍ പറയുന്നത് ചില സമയത്ത് ശരിയാവാറുണ്ടെന്നായിരുന്നു സച്ചിന്റെ മറുപടി. മാഞ്ചസ്റ്റര്‍ ടെസ്റ്റില്‍ 312 റണ്‍സ് ആണ് വെസ്റ്റ് ഇന്‍ഡീസിന് മുന്‍പില്‍ രണ്ടാം ഇന്നിങ്‌സില്‍ ഇംഗ്ലണ്ട് വിജയ ലക്ഷ്യമായി വെച്ചത്. എന്നാല്‍ 198 റണ്‍സില്‍ നില്‍ക്കെ സന്ദര്‍ശകര്‍ ഓള്‍ ഔട്ടായി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ