റാഫേല്‍ നദാല്‍ മെക്‌സിക്കോ ഓപ്പണ്‍ ചാമ്പ്യന്‍. ഫൈനലില്‍ പാബ്ലോ അന്‍ഡ്യുജറിനെ നേരിട്ടുള്ള സെറ്റുകള്‍ക്ക് തോല്‍പ്പിച്ചാണ് ലോക രണ്ടാം നമ്പര്‍ താരത്തിന്റെ കിരീട നേട്ടം. സ്‌കോര്‍ 6-3, 6-2. 

ഈ വര്‍ഷത്തെ നദാലിന്റെ ആദ്യ കിരീട നേട്ടമാണ്. കഴിഞ്ഞ മാസം ഓസ്‌ട്രേലിയന്‍ ഓപ്പണില്‍ ക്വാര്‍ട്ടര്‍ ഫൈനലില്‍ പുറത്തായതിന് പിന്നാലെ മെക്‌സിക്കോ ഓപ്പണിലെത്തിയ താരം ടൂര്‍ണമെന്റില്‍ ഒരു സെറ്റ് പോലും നഷ്ടപ്പെടുത്താതെയാണ് കിരീടം ചൂടുന്നത്. 

മൂന്നാം വട്ടമാണ് നദാല്‍ മെക്‌സിക്കോ ഓപ്പണ്‍ കിരീടം നേടുന്നത്. 2013ലും, 2005ലുമാണ് നദാല്‍ ഇതിന് മുന്‍പ് ഇവിടെ ചാമ്പ്യനായത്. 19 വട്ടം ഗ്രാന്‍ഡ്സ്ലാമില്‍ മുത്തമിട്ട താരത്തിന്റെ 85ാം കരിയര്‍ കിരീടമാണ് ഇത്. എട്ട് അണ്‍ഫോഴ്‌സ് പിഴവുകളാണ് നദാലില്‍ നിന്ന് ഫൈനലില്‍ വന്നത്. കിരീടത്തില്‍ മുത്തമിടാന്‍ ഒരു ഏസ് മാത്രമാണ് നദാലിന് വേണ്ടിവന്നത്. ഇത് വന്നത് രണ്ടാം സെറ്റിലെ ഫൈനല്‍ ഗെയിമിലും.